Matius 9:17 - Buk Niu In Hida Balu nol Dehet deng Apan-kloma ki in Dadi ka

¹⁷ Ela kon, atuli li sail tua balu laok se sapat in pohen son lo. Ta lo kam sapat ta hoen, le tua ka baa puti. Tiata tua balu kam, salin laok se sapat balu, le halin nam banan.” [Nol ela, Yesus tui oen noan Un in tui ka, balu. Tiata kutang nakbuan nol in tui blaan nas deken.]

Matius 9:17 ပူးပေါင်းရင်းမြစ်များ

Matius 9:16

Atuli li kat kitu balu tep mesa, le tapan laok se kaod blaan man sait son na lo. Ta eta baes kado la lam, kitu balu in tapan na naskumu. Eta ela lam, kaod blaan na sait tapnaeng.

Matius 9:18

Yesus nahdeh nol Yuhanis ima-ii las mamasu lam, muik tulu deng um in kohe-kanas sas at mes maa tutnaal nol Una. Atuling na hai buku ka se Yesus sila ka, le nodan noan, “Papa! Tulung auk tia! Ta auk anang bihata la mate hahalas. Paap tulung laok nene imam ma se una, le halin un haup in nuli pait.”

Markus 2:22

Ela kon, atuli sail tua balu laok se sapat pohen lo. Ta lo kam sapat ta hoen, le tua ka honong hidi. Tiata, tua balu kam musti salin laok se sapat balu.” [Yesus in tui oen ela ka, muik nahin noan, Un in tui-tikang balu ka, boel kutang nol atuil Farisi las in tui blaan na deken.]

Lukas 5:37

Ela kon, atuli sail tua balu laok se sapat pohen lo. Ta lo kam sapat ta hoen, kon tua ka baa soleng hidi. Tiata eta tua balu kam musti doan laok se sapat balu dalen. [Nini ela lam Yesus tui oen noan, Un in tui balu kas kutang nol atuil Farisi las in tui blaan nas deken.]