Matius 8:30 - Buk Niu In Hida Balu nol Dehet deng Apan-kloma ki in Dadi ka

³⁰ Dadani se na, muik bahi mamo mukan-mukan dale, le nuting in kaa.

Matius 8:30 ပူးပေါင်းရင်းမြစ်များ

Matius 7:6

Tui Ama Lamtua dais niu ka bel atuil in dai sium lo ngas deken. Undeng oen nam mo, banansila el ngot in sau daat, man mam sau bali mia. Oen kon ngengon na, banansila el bahi ka. Eta atuli lotong belen ranteng in osa laok se un apa ka lam, un taan dadale lo! Ta un in tana ka suma kida deng dapa tuun.”

Matius 8:29

oen ahan noan, “Hoe! Ama Lamtua Allah Ana! Tasao le Ku maa poe-pet kami lia? Oras in hukung kami ka maa lius lo bii, mo Ku le maa tao bosor kaim son nia ke!”

Matius 8:31

Kon uikjale nas nodan Yesus noan, “Eta Ku le nulut kami lam, tadu kaim taam lakom se baih nuas!”

Markus 5:11

Katang deng maan na lo kam, muik atuli teng doh bahi okat mesa. Baih nas totoang nataka le lihu dua. Oen nuting in kaa se leten suut ta.

Lukas 8:32

Mo dadani se na, muik bahi mamo mukan-mukan le nuting in kaa se leten na peke ka. Kon uikjale nas nodan Yesus noan, “Tadu kaim le taam lakom se baih nuas tuun!” Kon Yesus tade.