Matius 8:15 - Buk Niu In Hida Balu nol Dehet deng Apan-kloma ki in Dadi ka

¹⁵ Yesus kil un ima ka kon, blalan bihatang na in hed otot ta, banan meman. Hidi kon un hangu, le lako tutan-lau Yesus nol Un nenan nas.

Matius 8:15 ပူးပေါင်းရင်းမြစ်များ

Matius 14:36

Oen nodan le eta bole lam, oen sepo tom Un kado la. Undeng oen nangan noan, “Sadi atuil ili las sepo tom Yesus kado la tuun kon, taon elola ko oen banan meman.” Tiata totoang atuil in ili man sepo tom Un kado la ngas, banan meman.

Matius 20:34

Ming oen duas in aa ela ka kon, Yesus dalen nahi nolas. Tiata Un kapas oen duas matan nas, kon nam oen duas ngat net meman. Hidi na kon, oen lakos muid Una.

Matius 8:14

Hidim oe mesan na, Yesus lako se Petrus uma. Un ngat tam, Petrus been na nini se hadang dapa, lole un hed otot.

Matius 8:16

Lelo la senet kon, atuli las kil nol oen atulin in tom uikjale kas maas. Kon Yesus prenta uikjale kas noan, “Hoeh uikjale! Putim nodat deng nia.” Kon nam uikjale kas putis meman. Un kon tao banan atuil in ili ngas totoang.

Matius 8:3

Ming ela kon Yesus doong ima ka, le kapas atuling in iil baih-bluku na, hidim aa noan, “Auk tade! Ku banan tia!” Kon suknahkitu lam, atuling na ili la ilang meman.

Matius 9:20

Se lalan hlala kam, muik bihata mesa, laok muid Yesus dadani deng klupu ka. Un in net bulan na tene taan lo, taun hngul dua son. Un nangan se un dalen na noan, “Sadi auk kapas tom Yesus kado la tuun kon, taon elola ko auk banan.” Tiata un laok kapas Yesus kado la mumu ka.

Matius 9:29

Ming ela kon, Yesus kapas oen duas matan nas, hidim tek noan, “Eta ela lam, daid muid mi in parsai ka!”

Markus 1:29

Nikit oen putis deng um in kohe-kanas sa kon, Yesus lako se Simun nol Anderias uma. Yakobus nol Yuhanis kon lakos leo-leo nol one.

Markus 1:41

Yesus namnau atuling na, tiata Un doong ima ka le kapas atuling na, le tekan noan, “Auk tade! Tiata ku banan tia!”

Lukas 8:54

Oen tamas kon, Yesus kil tana-bihatang na se ima ka, le tekan noan, “Baat-ana! Hangu tia!”