Matius 7:2 - Buk Niu In Hida Balu nol Dehet deng Apan-kloma ki in Dadi ka

² Mi sukat atuil elola lam, mam Ama Lamtua Allah in sukat mia ka kon ela. Hidim mi sukat atuil tenga ka in kula-sala ngas elola lam, mam Ama Lamtua Allah kon sukat mia ka ela.

Matius 7:2 ပူးပေါင်းရင်းမြစ်များ

Matius 6:14

Mo hii ke! Eta mi nadidingun atuli in tao kula-sala saol mia ngas sam, mam mi Aman in ne sorga ku kon kose soleng mi in kula-sala ngas.

Markus 4:24

Nangan babanan! Eta mi sukat atuil didang in dake ka elola lam, mam atuli kon sukat mi ela. Nol Ama Lamtua Allah kon sukat bali mia ka ela. Mo Un in sukat ta ngele dui pait.

Lukas 6:38

Eta ku bel atuli li asa man oen in parlu ngas sam, mam ku haup pait. Mam Ama Lamtua mana le halin ku sium pait nol inu-inu. Na tuladang el atuli doan bula mamamo laok se blek in hnukat ta, hidim heko-heko nol tudan niung le nisi pait didiin inu lai-lisi. Ku in simu ka kon tuladang ela. Eta ku bel bubuit tam, ku kon sium pait bubuit. Mo eta ku in bele ka mamo kam, ku in sium pait ta kon mamo.”

Korintus dua la 9:6

Un lalan na elia: “Atuil in soko-hai bubuit ta, mam nui-noel isin bubuit kon. Atuil in makoe le soko-hai mamo ka, mam nui-noel pait isin nol hangun mamo-mamo kon.”

Yakobus 2:13

Ta Ama Lamtua dalen kasiang nol atuil man muik tahan in namnau atuil didang lo ngas lo. Mo eta mi muik dael in kasiang saol atuil didang ngam, taon elola ko Ama Lamtua muik dalen kasiang taung mi kon. Mi lii in sium Ama Lamtua hukung ngas deken, ta Un kaih hidi nas totoang son.

Apan-kloma Hnika Balu 18:6

Tiata musti balas oen in daat ta, el asa man oen in daek dadaat saol atuil didang son na. Mo mi in balas one ka, musti didiin lalis dua. Hmunan nu oen nole atuli, le niun deng oen cangkir lil-mea, man inu nol anggor in susa-daat ta. Mo halas ni oen esan, man musti niun anggor in susa-daat na, lalis dua.