Matius 6:13 - Buk Niu In Hida Balu nol Dehet deng Apan-kloma ki in Dadi ka

¹³ Ama, doh kaim le halin kaim tao kula-sala deken. Nol sas-sao kaim deng uikjale ka in kuasa ka. [Ta Ama na mo Laih man in kuaas dui hihidi nol muun isi. Ama man kil bandu didiin hidi nutus taan lo. Kaim in kohe-kanas sa ela tuun Ama. Amin.]’

Matius 6:13 ပူးပေါင်းရင်းမြစ်များ

Dehet deng Apan-kloma ki in Dadi ka 22:1

Nesang isi lo kon, Ama Lamtua sukat naan Abraham, le un hii-ming se Ama Lamtua tam lo ka. Ama Lamtua haman un noan, “Abraham!” Kon un siut noan, “Iya Lamtua.”

Matius 26:41

Kose mi matan nas le langa. Hidim haung le doh nol Au! Ta mi dalen nas meman kom le daek banan, mo mi apan nas bloen. Tiata banan dui ka, mi kohe-kanas le halin eta mi tom in liun-leo kam, mi tahang nala.”

Matius 28:20

Hidim tui one, le daek muid totoang prenta man Auk in tek mi son nas. Nangan ne! Auk leo-leo nol mi napiut, didiin apan-kloma ki kiamat.”

Matius 5:37

Tiata eta mi nikit in hida noan, iya lam, tek tuun noan ‘Iya’. Mo eta lo kam, tek tuun noan ‘Loo’. Ta eta mi tek dui deng na nini in sumpa bili-ngala kam, na maa deng uikjale kas son na.”

Matius 6:10

Nang le Ama daid Laih taung atuli li totoang! Nang le totoang atuli li daek muid Ama in prenta se apan-kloma kia ka, banansila el Ama ima-ii las in daek muid Ama prenta la se sorga ka.

Yuhanis 17:15

Etan Auk kohe-kanas sam, Auk nodan le Paap kat puting oen deng apan-kloma ki lo. Molam Auk nodan le Paap doha-tinang one, le halin oen katang deng in daat tas.

Korintus mesa la 10:13

Taom eta ku kom in daek dadaat tam, nangan ta atuil didang kon tutnaal in sukat-soba ela kon son. Mo ku parsai se Ama Lamtua halin Un daek muid asa man Un in teka ka. Undeng Un nang ku le ku haup in sukat-soba muun dui deng ku in tahang nala ka lo. Taom ku haup in sukat-soba ela lam, Un bel ku lalan in puti. Un tao ku kuat-tes le tahang nala, halin ku nahi deken.

Korintus mesa la 14:16

Ta eta ku pake dais didang, le naka-nahalit Ama Lamtua Allah nini ku dalem ma, mo se la muik atuli in taan dais na lo kam, taon elol le un dalen mes nol ku la? Oras ku nodan mamo se Ama Lamtua nini dais didang nga, taon elol le un hao muid ku le tek noan, “Na toma” la? Ela lo, ta lo? Lole un taan dais ku in aa na lo kam.

Korintus dua la 1:20

Totoang dais man Ama Lamtua in hid son nas, mam Un taos le dadi. Tiata, eta Yesus aa noan, “hao”, kam kit bisa siut noan, “Tom baktetebes na! Amin!” Undeng kaim taan meman son le Yesus daek muid asa man Un in aa ngas. Tiata kaim tek dais nia, le tulu-balang Ama Lamtua Allah in muun-tes sa.

Galatia 1:4

Kristus mate le sas-sao kit deng apan-kloma halas ni in daat tas, nol kose soleng kit in kula-sala ngas. Nas totoang daid muid Ama Lamtua Allah in koma ka.

Tesalonika mesa la 1:10

Oen kon dehet noan, mi nata-natang Ama Lamtua Allah Ana Yesus, in maa deng sorga ka. Lelon na, atuli las keo tele Una, mo Ama Lamtua Allah belen le nuli pait son. Eta Ama Lamtua Allah le niung hukung taung atuli lia lam, mam Lamtua Yesus man sasa-loat kit deng Ama Lamtua Allah in komali ka.

Tesalonika dua la 3:3

Ama Lamtua kil dididi Un in teka ka. Un tao teken nal mi dalen nas, nol Un keba-kele mi deng in daat tas.

Timutius mesa la 1:17

Naka Ama Lamtua! Ta suma Un sii, man Allah; muik didang pait lo! Un nam Lahing man in kil prenta hidi nutus taan lo ka. Un man nuli didiin son na. Un man mate lo ka. Un man atuli li ngat netan nini matan lo. Totoang in todan, nol in naka ki taung Una, ela son na! Amin.

Ibrani 11:36

Muik in tom bilu-aa, nol tom in diku-papas. Nol muik teng pait man tom in kadis se oen iin nas, nini kai laeng se bui dalen.

Petrus mesa la 5:8

Doha-doha lo! Nangan blatas! Doh babanan ta kit musu las mo uikjale kas tuang nga, un le tao dudus mia. Un le hol mi tetema banansila el singa in koon-mali, man nuting hmukit le kaa ka.

Petrus dua la 2:9

Dehet nas totoang tulu bel noan, Ama Lamtua Allah taan lalan in bel slamat atuil man hii-ming se Una, nol tahang nal se in sukat-soba dalen nas. Un kon niung hukung ngele, bel atuil man in nuli ka tom lo ngas. Un tao napiut ela, didiin oras Un in nutus totoang atuli li dasi las sa.

Yuhanis mesa la 3:8

Mo in nuil le tao kula-sala tutungus sa, maa deng uikjale kas laih tuan na. Ta uikjale ka taan in daek daat si-sii deng lolo hmunan nua. Tiata Ama Lamtua Ana ka maa, le tao dudus uikjale na in tao dadaat tas son.

Apan-kloma Hnika Balu 1:18

Hmunan nu Auk mateng, mo halas ni ku ngat le, Auk nuling pait son! Nol mam Auk nuling napiut didiin hidi nutus taan lo. Auk kon man kil kunci in sai atuil hmate kas mana la, le beles nulis pait.

Apan-kloma Hnika Balu 19:1

Ima-ii na aa hidi ela kon, auk ming fala tene el hut mamo in tao dani ka, se sorga. Oen tao dain elia, “Naka Ama Lamtua Allah, undeng Un man dui hihidi. Naka Ama Lamtua Allah, undeng Un man kuasa dui totoang. Ama Lamtua man bel boa-blingin kita, deng kit in kula-sala ngas. Ama Lamtua man tao titu kita, deng kit in nuil kula-kula ngas.

Apan-kloma Hnika Balu 19:4

Hidi kon, tulu at 24 tas nol hmukit aat man muun ising nas, senet hai bukun nas, le todan-lahing Ama Lamtua Allah, man daad se del in prenta ka dapa. Oen todan Un noan, “Toma! Maa le kit naka-naka Ama Lamtua Allah! Maa le kit nikit sakeng Un ngala ka lapa-lapa!”

Apan-kloma Hnika Balu 2:10

Tiata hii babanan ne. Eta mi haup in susa nabale lam, lii deken. Sadi mi taan tukun, uikjale kas laih tuan na le nuting mia, le daek tamang mi tenga las lakom bui dalen, didiin lelo hngulu. Un in koma ka le mi bali kudi nang soleng Au. Oen keo tele mi kon no, mi nadidingun Auk deken. Ta asii man tahang le muid Auk didiin un mate kam, mam Auk baen un in daek ela ka, le halin un nuli leo-leo nol Auk tutungus.

Apan-kloma Hnika Balu 21:4

Mam Un kose soleng oen matan uin nas, le oen lilu mumuun pait lo ka. Undeng se na lam, muik in ili pait lo. Nol se na kon, muik in mate pait lo. Totoang man in bosor deng lolo hmunan nua ngas, ase son. Totoang man in tao susa-daat lolo hmunan nua ngas kon, ilang son.”

Apan-kloma Hnika Balu 3:10

Undeng mi muid Auk in prenta ka, le tahang napiut muid Auk tutungus, tiata mam Auk doh mi babanan deng susa-daat, man Ama Lamtua le tunang maa sukat atuil in se apan-kloma ki ngias.

Apan-kloma Hnika Balu 3:14

Kon nam Atuling Baktetebes sa tupang Un dasi la noan, “Yuhanis, ku musti dul surat puis si tia. Un isin na elia: ‘Taung jemaat se kota Laodikia: Surat ni deng Au, Yesus, man atuli li noken noan ‘in Toma’. Auk man nahdeh deng Ama Lamtua Allah in Teka-teka ngas tutungus nol baktetebes. Totoang man Ama Lamtua in daek son nas, daid deng Au.

Apan-kloma Hnika Balu 5:13

Hidi nam, auk ming dain didang mes pait. Deng totoang in nuli, se sorga, tam se apan nua, tam se apan-kloma kia, nol in se tasi dalen nuas kon, totoang nikit falan le tao dani. Atuil in ne maan hmate ku nguas kon, tao dain mudi. Oen totoang leo-leo tao dain noan, “Kaim naka Ama Lamtua Allah man daad ne del in prenta ka. Kaim kon nikit sakeng Lae-blai Ana ni ngala ka lapa-lapa. Kaim todan-lahing One. Undeng Oen man kil prenta hidi nutus taan lo! Nol Oen in kuasa ka hidi nutus taan lo!”