Matius 5:29 - Buk Niu In Hida Balu nol Dehet deng Apan-kloma ki in Dadi ka

²⁹ Eta ku tao kula nini ku matam kanan na lam, sukin soleng tuun tia. Ta ku tama sorga nol matam beas mes sii kam banan dui deng, oen soleng ku lako ai naraka lua, nol ku matam beas sas duas tetema.

Matius 5:29 ပူးပေါင်းရင်းမြစ်များ

Matius 10:28

Lii atuli li deken, ta oen suma tao tele nal atuli li aap-sisin na tukun, mo oen tao tele nal atuli li hmangin lo. Tiata mi musti lii se Ama Lamtua Allah, ta suma Un sii man muik kuasa le piul tamang atuli li aap-sisin na nonool hmangin na, lako tasi ai man kaloe hidi nutus taan lo ka.

Matius 11:6

Tiata elia: laok tek kaka Yuhanis noan, mam un ulat eta un parsai napiut se Au. Undeng mam Ama Lamtua Allah bel hangun se atuil man in parsai se Au nol hutluul lo ngas!”

Matius 16:26

Hii ke! Eta ku haup apan-kloma ki isin nas totoang, mo Ama Lamtua Allah hutun soleng ku lam, ku in ulat ti saa la? Ku lep lai-niin apan-kloma ki isin nas totoang kon no, nas seda nal ku hmangim ma lo!

Matius 17:27

Ela kon nol Um in Kohe-kanas Tene ka bea la. Mo kit tao atuil in sium bea ngas le komali deken tia. Tiata banan dui ka, ku laok ngain ikan se tubu kua. Ku ngain nal ikan hmunan na lam, ngaing un baha ka. Tiam ku haup duit lil-muti mes se la. Hidim pake duit na le laok baen kit duat bea la. Ta duit na nol taung kit duat son na.”

Matius 19:12

Ta muik atuli deeh saap lo, undeng huas maa lu oen ela son. Tenga las saap lo, undeng atuil didang in tao. Nol tenga las pait, huil le saap lo, undeng oen suma le lako-daek Ama Lamtua Allah osa la tukun. Asii nangan taan Auk in tuing nias sam, nang le un tao muid ela.”

Matius 23:15

Hoe, guru-guru agama nol atuil Farisi me! Meman mi niam atuil in sila-klup tuun! Mam mi haup in susa-daat, undeng mi luan laa lakom se ola-ola, nol niu saek leten, le suma nuting atuli mesa, halin tama muid mi partei agama la. Mo eta un tama son nam, mi tao un in nuli ka daat dui pait, didiin un in haup hukung se naraka lua ka, ngele dui mi oe dua.

Matius 23:33

Mi niam daat baktetebes tuladang el ul in muik lasong nga. Mi bali noan mam Ama Lamtua Allah hukung mi lo ke? Nangan ela deken! Ta mam Un pasang tamang mi lakom ai naraka lu dalem!

Matius 5:22

Molam Auk le tek elia: komali nol apa deken, ta eta asii komali nol un pail-kakan nas sam, un tom in hukung. Atuil in ngau un palin tamlom un kaka ka, hidim tekan noan, ‘Ku ngengo hinin!’ kam atuling na musti laok taal se blalan-blalan agama las. Nol atuil in ngau un kaka, tamlom un palin na le tekan noan, ‘Ku nuin!’ nam, mam un tom in hukung se ai naraka lua.

Matius 5:30

Nol etan ku tao kula nini ku imam kanan na lam, liuh soleng tuun. Ta ku tama sorga nol iman halin sii kam banan dui deng, oen soleng tamang ku lako ai naraka lua, nol ku imam mas duas tetema.”

Markus 8:36

Hii ke! Eta ku haup apan-kloma ki isin ni totoang, mo Ama Lamtua Allah hutun soleng ku lam, ku in ontong ngi saa la?

Lukas 12:5

Auk le tek mi noan, mi musti lii se asii. Mi musti lii se Ama Lamtua Allah sii. Ta Un man keo nal mia, hidim pasang tamang mi lakom naraka dalem. Tiata Una, man mi musti liin baktetebes.

Roma 6:6

Hmunan nu, kit daid atuil in tao kula-sala bili-ngala. Mo halas ni kit in nuli blaan na dudus son, banansila el oen pauk tele kit se kai sangsuli lu leo-leo nol Kristus. Tiata halas ni daat in ne kit dalen ni ngias, muik kuaas le mana-koet kit pait lo son. Kit kon butu-kil nolan le tao kula-sala pait lo son. Lole kit banansila el ata man muik hak in huil nal lo ka, lo son.

Roma 8:13

Ta eta kit nuil muid daat in ne kit dalen ni ngias tuun nam, taon elola ko Ama Lamtua bali kudi kita, le hukung tele kita! Mo eta kit nang le Ama Lamtua Koo la tao dudus kula ka in kuasa ne kit dalen ni kia lam, mam kit haup nal in nuil toma ka.

Korintus mesa la 9:27

Auk daek muid baktetebes, nol tui mumuun le halin auk tahang napiut. Ta eta auk tek atuil didang deng Ama Lamtua Allah, molota auk esang kaliut atorang ngas sam, banan lo. Ta taon elola ko, Ama Lamtua nulut soleng auk deng in sukat na.

Galatia 5:24

Atuil in tama daid Yesus Kristus atulin son nas, un muid atuli li in koma man in tom lo ngas pait deken. Ta in kom isi le tao dadaat tas, pauk tele leo-leo nol Yesus se kai sangsuli lu son.

Kolose 3:5

Tiata mi musti soleng mi in kom le tao dadaat tas. Banansila el: kom in laok kula nol atuil didang, man ku sapa lo ka; kom in tao dasi-dais hmomos; kom le tao muid ku dalem ma in kom isi ka; kom le tao dadaat bili-ngala; nol kom naseke le totoang daid ku nena sii (molota nas banansila el ku hui-langus, lole ku nikit sakeng dais didang ngas lapa-lapa le dising soleng Ama Lamtua).