Matius 5:25 - Buk Niu In Hida Balu nol Dehet deng Apan-kloma ki in Dadi ka

²⁵ Eta atuli le tao dais nol ku lam, banan dui ka ku lalaba laok daem nol un muna. Eta lo kam, mam atuling na kil nol ku lako ngada se atuil in nutus dasi ngas. Hidim atuil in nutus dasi ngas tunang ku lako se polisi las, kon oen tamang ku lako bui dalen.

Matius 5:25 ပူးပေါင်းရင်းမြစ်များ

Matius 26:58

Dedeng oen kil nol Yesus lako ka, Petrus muid nol in huni-huni deng klupu, didiin lako lius se tuang tene ka uma. Petrus kom le taan asa man in dadi ka, tiata un kon tama lako kintal la dalen, le daad leo-leo nol atuil in se la ngas.

Lukas 18:3

Se na kon, muik bebalu mesa, man maa tutungus se atuling in nutus dasi na le nodan noan, ‘Paap hakim! Nutus auk dasi li nol in toma le.’

Korintus dua la 6:2

Ta ne Un Buk Niu ka muik dulan noan, “Tom nol oras sa lam, Auk hii-ming se ku. Auk kon tulung ku, se oras Auk bel boa-blingin atuli lia ka.” Tiata, hii-ming babanan ne! Ta halas ni, un oras banan na, nia son nia. Leol ni, Ama Lamtua lelon in bel boa-blingin atuli lia ka.

Ibrani 12:17

Mo nesang lo kon, kit tanan noan, Esau sabail apa. Ta ama Isak nodan le Ama Lamtua bel hangun aan hmunan se Esau, mo Esau hapun pait lo, undeng un esa man sao un hak ka nol mosa son. Tiata Esau lilu mumuun elol kon no, un haup pait asa man hmunan nu un soleng son na lo.

Ibrani 3:13

Banan dui ka lelo-lelo nam, mi tao teken apa dalen, mes nol mesa. Natang apa pait deken! Undeng mi hlapat tom in nole le tao kula, didiin mi kon daid bon batu, le tiu-hii Ama Lamtua Allah lo.

Ibrani 3:7

Undeng na, kaim musti tidi hngilan le hii babanan asa man Ama Lamtua Allah Koo Niu ka in aa son noan, “Leol neot nia, eta mi ming Ama Lamtua Allah in teka ka son nam: