Matius 5:24 - Buk Niu In Hida Balu nol Dehet deng Apan-kloma ki in Dadi ka

²⁴ tamang sa-saa in beleng nas deken le. Ku musti laok babanan nol ku pail-kakam ma muna le, hidi halas-sam laok tamang in beleng nas bel Ama Lamtua Allah.

Matius 5:24 ပူးပေါင်းရင်းမြစ်များ

Matius 23:23

Hoe, guru-guru agama nol atuil Farisi me! Mi niam meman atuil in sila-klup tuun! Mam mi haup in susa-daat, undeng mi taan isi in kaih le bel Ama Lamtua op mes deng op hngulu. Mi kaih papmes sa-saa las, didiin mi bumbu-bumbu in ne klapa lua ngas kon, mi kaih teles. Tuladang el mi in kaih hkulu, adas kumis, nol jintan nas babanan na. Molota mi nadidingun soleng Ama Lamtua Allah atorang man in muun dui ngas son! Undeng mi in nuli ka lolo lo. Mi namnau atuil kasiang ngas lo. Nol mi kon nuil muid Ama Lamtua Allah in koma ka tutungus lo. Banan dui ka, mi tao muid nas totoang muna, hidi halas-sam mi laok kaih bumbu in le bel Ama Lamtua ngas.

Matius 5:23

Tiata eta ku kil in bele, le bel Ama Lamtua Allah, mo ku nangan net noan, ku pail-kakam mes koon-mali nol ku nabale lam,

Markus 9:50

Sila li niam, banan. Kit pake le tao mingis in kaa. Mo eta sil na milu lo son nam, un ambak ki saa la? Muik ambak lo son. Mi kon musti daid tuladang el sila ka, le nuil neka-namnau apa nol atuli li totoang. Tiata, mi teen in kaen apa noan, asii man tene dui, tam asii man ana dui ka tia!”

Korintus mesa la 11:28

Banan dui ka, atuli li mesa-mesam presa-ketan un dalen na esa muna le. Eta un taan baktetebes son noan un dalen na lolo, halas-sam un boel kaa ruti na nol niun anggor na.

Timutius mesa la 2:8

Auk in koma ka elia: se ola-ol le eta mi nakbua halin kohe-kanas sam, mi dalen nas musti babanan nol apa. Komali nol apa deken. Kaen apa deken. Eta nikit iman le kohe-kanas se Ama Lamtua Allah lam, mi dalen nas musti niu baktetebes muna le.

Yakobus 5:16

Eta deng mia la muik in daek kula nol apa kam, mi musti hao mi in kulang nas. Nini ela lam, mi kohe-kanas bel apa mes nol mesa, le halin mi haup in banan. Atuil man dalen niu ka, un in kohe-kanas sa inu nol in kuasa, nol haup isin banan.