Matius 5:14 - Buk Niu In Hida Balu nol Dehet deng Apan-kloma ki in Dadi ka

¹⁴ Mi in nuli ka kon musti banansila el hadut ta, le halin nam atuli mamo ngat net nol babanan. Nol un langa ka kon banansila el kota mes ne leten dapa, man atuli li totoang ngat netan na.

Matius 5:14 ပူးပေါင်းရင်းမြစ်များ

Yuhanis 12:36

Tiata eta Auk langa ki muik nabale lam, mi musti parsai se Au, le mi daid atuil in nuil se langa ka, halin laok elola lam, mi tanan.” Yesus aa hidi ela kon, Un hoen apa ka deng atuil hut mamo kas, le halin Un sii.

Yuhanis 5:35

Yuhanis in aa na, banansila el hadut mes man langa ka kaloe. Eta un langa ka kaloe nabale lam, mi dalen kolo.

Yuhanis 8:12

Hidim Yesus aa nol atuil hut mamo kas pait noan, “Auk niam banansila el langa bel atuil in ne apan-kloma ki ngias. Atuil man in muid Au ka, nuli se mitang dalen lo, molam un nuli se langa man kil in nuil toma ka.”

Yuhanis 9:5

Auk biing nabael se apan-kloma kia ka, Auk banansila el langa man kaloe, bel atuli li totoang.”

Korintus dua la 6:14

Butu-kil nol atuil in parsai se Kristus lo ngas deken, ta mi tatai nolas lo. Atuil in parsai man nuli ka lolo, tatai nol atuil in labang Ama Lamtua ngas lo, hidim etan oen nuklek le daek leo-leo nol mi kon, tatai lo. Atuil in dalen banan nol atuil in dalen banan lo ngas, nakbua le iin mesa lam, tatai lo. Na banansila el langa ka boel kutang nol mitang nga lo.

Filipi 2:15

Tao ela, le halin mi daid atuil in dalen niu, nol atuil in muik kula lo. Mi nulim ne atuil in daek dadaat nol atuil in nole-lilung daat tas hlala. Mo mi muid oen deken! Ta mi in nuli ka musti niu, undeng mi nam Ama Lamtua anan. Hidim mi in nuli ka musti kaloe' le tulu beles lalan, banansila el langa man in kaloe le laang apan-kloma kia ka.

Apan-kloma Hnika Balu 1:20

Auk tek napat ku un nahin na le, elia: hadut lil-mea iut nas nahin na mo jemaat itu las. Nol duun iut man ku in ngat net se Auk imang kanan na ka, ima-ii at iut man kil in hida deng Ama Lamtua bel jemaat itu la ngas.”

Apan-kloma Hnika Balu 2:5

Tiata mi musti nangan mi in nuli se hmunan nua ka! Ta halas ni, mi katang isi son deng mi in nuli hmunan nua ka. Undeng na le, mi musti tenem tia deng mi in daek kula-sala na, halin namnau apa pait el hmunan nua. Ta etan lo kam, Auk maa kat lai-niin hadut lil-mea kas deng mia.