Matius 5:11 - Buk Niu In Hida Balu nol Dehet deng Apan-kloma ki in Dadi ka

¹¹ Mi kon ulat, etan atuil didang tao susa-daat saol mia, undeng mi in muid Au ka. Eta oen aa mi dadaat, nol dehet nole-lilung le tao didaan mi ngaal banan na lam, mi kon ulat.

Matius 5:11 ပူးပေါင်းရင်းမြစ်များ

Matius 10:18

Mam oen pel nol mi lakom ngada se gubernur ra nol lahing nga, undeng mi in muid Au ka. Mo mi musti pake dola na, le tek oen deng Auk Dehet Dais Banan na. Nini ela lam, atuil man taan Ama Lamtua lo ngas kon, ming haup dehet deng Au.

Matius 10:22

Ngat te, ta mam totoang atuli li kom mi lo isi, undeng mi in muid Au ka. Mo atuil in tahang napiut didiin hidi ka, mam Ama Lamtua Allah belen boa-blingin.

Matius 10:25

Eta ima-ii las tui, le oen in tana ka tatai nol oen gurun na son nam, oen nataka kam nola. Nol eta atuil in dake ngas tui, le oen in tana ka tatai nol oen tuang nga son nam, oen kon nataka kam nola. Tiata nangan ne! Eta atuli noken Au, man daid um lamtua kia, noan, ‘Ku niam Balsebul, uikjale kas laih tuan na!’ Lam salolen nol mia, man daid um isin nas sa, taon elola ko mi ngalan nas daat dui pait.”

Matius 10:39

Ta atuil man tade le mate undeng in muid Au ka, mam un haup in nuli napiut nol Ama Lamtua. Mo atuil in suma kom le nuil taung un apa ka sii ka, mam un haup in nuli napiut nol Ama Lamtua lo!”

Matius 19:29

Atuil in laok nang soleng un uma la, pail-kakan nas, ina-aman nas, ana-anan nas, nol un klapa la, le muid Au ka, mam un sium seda pait didiin lalis ngatus. Hidim eta apan-kloma ki kiamat tam, un kon haup in nuli napiut nol Ama Lamtua didiin hidi nutus lo.

Matius 24:9

Tiata mi musti doh babanan! Ta mam oen diku-puang mia, nol keo tele mia. Hidim atuil deng bangsa-bangsa lias totoang kom mi lo isi, undeng mi in muid Au ka.

Matius 27:39

Totoang atuil in lako-pait deng na ngas, ngat net Una. Kon oen liun sulan le bilu-aa Una.

Markus 13:13

Tiata mam atuli las kom mi lo isi, undeng mi in parsai se Au ka. Mo eta asii tahang nal deng nas totoang ngam, taon elol kon Ama Lamtua Allah bel boa-blingin una.”

Markus 13:9

Tiata, mi musti doh babanan ne! Ta mam oen maa daek mi le pel nol mi lakom se maan in nehan dais agama ngas. Nol oen diku-puang mi se uma-um in kohe-kanas sas dalen. Hidim oen kon but mi le kil nol mi lakom se atuil in kil prenta ngas, undeng mi in muid Au kia. Mo mi pake dola na, le halin nahdeh oen deng Au.

Markus 4:17

Mo in Teka-tekang nas muik klaput lo', undeng na le nuli nesang se un dalen na lo. Ta eta atuil didang tao sus una, undeng un in sium in Teka-teka ngas sa, lam un sao soleng in Teka-tekang nas.

Markus 8:35

Ta atuil in suma nuli taung un apa ka sii, mam un in nuli ka ilang tuun ela! Mo atuil man tade le mate, undeng un in muid Au, tamlom undeng un in bani-bating Ama Lamtua lalan in nuli ka ka, mam un haup in nuli napiut nol Ama Lamtua.

Lukas 21:12

Dais nias totoang daid lo bii, mo atuli las daek mia, nol diku-puang mia, undeng mi in parsai se Au ka. Hidim oen sao mi lakom se maan in nehan dasi man ne uma-um in kohe-kanas sas, hidi nam oen tahang mi se bui dalem. Oen kon tadu mi laok ngada se atuil in kil prenta nol lahi-laih didang ngas. Totoang nias dadi, undeng mi in muid Au ka.

Lukas 6:22

Ulat bating atuil in tom susa undeng in muid Au, Atuling Baktetebes nia ngas! Undeng mam Ama Lamtua bel seda mi in tom susa na se sorga. Atuli las pesang dael nol mia, tamlom tao didaan mi ngaal banan na, tamlom tudan-kida mia, tamlom nulut soleng mi banansila el atuil daat ta kon no, mi ulat, undeng mam se sorga lam, Ama Lamtua nangan net mia. Tiata eta atuli tao sus mi ela son nam, tao teken mi dalen nas, nol mi kon musti dalen kolo tutungus! Herang deken, undeng atuil in tao sus mia hahalas nia ngas, oen upu kia-kaon nas esan kon tao sus Ama Lamtua Allah mee-baah hmuna-hmunan nua ngas. Tiata, eta mi haup in susa tuladang ela lam, tao mi dalen nas kolo tutungus, undeng mam Ama Lamtua balas bel mi mamo-mamo se sorga!

Lukas 9:24

Ta atuil in tade le mate undeng muid Au, taon elola kon mam un haup in nuli napiut nol Ama Lamtua Allah. Mo atuil man suma kom le nuli taung un apa ka sii ka, mam bakisan katang deng Ama Lamtua Allah.

Yuhanis 15:21

Mam oen tao mi le haup susa-daat, undeng mi butu-kil nol Au. Ta oen taan Una, man in nutus Au ka lo.

Yuhanis 9:28

Kon oen lote-pisun una, hidim tekan noan, “Nang le ku sii man daid Un ima-ii! Ta kaim niam mo upung Musa ima-ii.

Dehet deng Aan in Nutus sas 9:16

Nol mam Auk tulu belen in susa-daat tuladang elola, man natang una, undeng un in muid Au kia.”

Roma 8:36

Ne Ama Lamtua Buk Niu ka muik dulan noan, “Atuli li nuti-nuting lalan le keo kita, undeng kit daid Ama Lamtua atulin. Oen tao kit ela, banansila el lae-blai man oen le keo ka.”

Korintus mesa la 4:10

Mi man uhu muun dui tuun tia! Ta muik atuli bali mi noan, mi nam tana, undeng mi butu-kil nol Kristus. Mo oen bali kaim le kaim ngengon dui, undeng kaim daid Kristus atulin. Bet oen nangan nam, mi man kuat-tes dui. Mo kaim niam bloen-blahen tukun. Ela kon oen nikit sakeng mi lapa-lapa, mo oen todan kaim bubuit lo kon.

Korintus dua la 4:11

Toma! Kaim in nuil nabaleng nias, naha-bubuit tam matem oe-oe son, undeng kaim daid Yesus atulin. Nini ela lam, totoang atuli li taan noan, mam kaim matem kon no, Yesus bel kaim in nuli man toma ka.

Filipi 1:29

Ta Ama Lamtua Allah sai lalan son, le mi parsai nal se Kristus, nol daid Un atulin. Molam suma parsai tuun lo, ta in dudui pait ta, Un kon bel dola le mi haup in susa, undeng mi muid Una.

Petrus mesa la 2:23

Dedeng na, oen aa le tao nahmaeng Una, mo Un balas lo. Dedeng Un in haup susa ka, Un hatu-pukun le balas lo. Mo Un sao Un in nuli ka lako se Ama Lamtua Allah ima. Ta Un parsai noan, Ama Lamtua na mo, nutus dasi lam ngele halin lo.

Petrus mesa la 4:14

Eta atuli las aa le tao nahmaeng mia, undeng mi in butu-kil nol Kristus sa lam, mi ontong, undeng Ama Lamtua Allah Koo la in muun-tes sa muik ne mia.

Apan-kloma Hnika Balu 2:3

Nang le atuli tao sus mia undeng mi in parsai se Au ka, mo mi tahang napiut nol hoen deken.