Matius 4:7 - Buk Niu In Hida Balu nol Dehet deng Apan-kloma ki in Dadi ka

⁷ Mo Yesus situn elia, “Muik in dula ne Ama Lamtua Allah Buk Niu ka noan, ‘Ama Lamtua Allah na mo, Tuang deng atuli li totoang, Tiata ku boel sob Un deken’ ”.

Matius 4:7 ပူးပေါင်းရင်းမြစ်များ

Matius 21:16

Kon oen tek Yesus noan, “Hoeh! Ku ming tana-anang nas in nakaa ka tam? Na tom lo tetetas!” Mo Yesus siut oen noan, “Hao, Auk ming. Mo tasao ka? Mi les net se Buk Niu ka deng tana-ana ngas in naka Ama Lamtua Allah ka lo bii ke? Ta muik dulan ne na noan, ‘Ama Lamtua Allah tui tana-ana mea, nol tana-ana blutu kas meman son, le oen naka-naka Una.’ ”

Matius 21:42

Hidim Yesus aa nolas noan, “Bet mi les net asa man dulan son ne Ama Lamtua Allah Buk Niu ka ka lo, man noan, ‘Muik batu mesa, man tukang batu las kat soleng son, mo halas ni baut na daid baut netes, le taung in tian nini uma! Ama Lamtua Allah esa man huil baut na le todo se na. Undeng na le kit ngat net un in leko-banan isi ka!’ ”

Matius 4:10

Mo Yesus baet un noan, “Hoe uikjale! Ku lako nodat deng maan ni tia! Ta Ama Lamtua Allah Buk Niu ka tek noan, ‘Ku musti todan-lahing se Ama Lamtua Allah, nol ku musti daek taung Un sii.’ ”

Matius 4:4

Mo Yesus situn noan, “Dulan son ne Ama Lamtua Allah Buk Niu ka noan: ‘Atuli li nuli deng kakaat sii lo. Molam oen musti hii-ming se Ama Lamtua Allah in Teka-teka ngas kon, nol daek muid Un in koma ka.’ ”

Lukas 4:12

Mo Yesus situn noan, “Boel liun Auk ela deken. Ta muik dulan ne Ama Lamtua Allah Buk Niu ka noan, ‘Sob Ama Lamtua Allah deken!’ ”

Dehet deng Aan in Nutus sas 15:10

Ta elola! Eta Ama Lamtua esa sium oen son nam, tasao le kit tao ngele tapnaeng oen nini atorang hadat in sunat ti lia? Molota, eta aa nahlololo lam, kit nol kit upu kia-kaon nas, tao muid nal kit atorang agama las totoang lo! Tiata kit dising oen ela deken! Auk le keket elia: Ama Lamtua bel boa-blingin kita, undeng kit in tao muid atorang agama la ka le? Loo! Molam Un bel boa-blingin kita, undeng Lamtua Yesus tulu Un dalen banan na bel kita, nol neka-namnau kita. Ta nadidingun deken! Ama Lamtua kon tulu Un dalen banan na bel atuil Yahudi lo kas, nol neka-namnau one.”

Dehet deng Aan in Nutus sas 5:9

Mo Petrus tekan noan, “Taon elola le, ku nol ku sapam ma koo mes le soba-naan Ama Lamtua Koo Niu ka lia? Ku ngat tuun! Atuil in kil ku sapam ma le laok puan nas, pait maas son nuan. Suktotomas pait tam, oen kon dohang ku aap-sisim ma, le laok puan se ku sapam ma halin na.”

Korintus mesa la 10:9

Kit soba-naan in tao dadaat bili-ngala le nuting Kristus in hukung kita, tamlom lo ka deken. Ta atuil Israel tenga las, soba-naan Ama Lamtua ela, tiata Un nini ula, le sau tele one.

Ibrani 3:9

Nangan tukun! Taun buk aat Auk tao taad herang bili-ngala se oen sila-matan nas! Mo oen taan in soba-naan Au tutungus. Undeng na Auk komali nol one, le tekas noan, ‘Mi niam, lai-lisin son! Ta mi bali kudi, le nang soleng Auk lalan na son, le muid se mi lalan in hilu ngas!’