Matius 4:4 - Buk Niu In Hida Balu nol Dehet deng Apan-kloma ki in Dadi ka

⁴ Mo Yesus situn noan, “Dulan son ne Ama Lamtua Allah Buk Niu ka noan: ‘Atuli li nuli deng kakaat sii lo. Molam oen musti hii-ming se Ama Lamtua Allah in Teka-teka ngas kon, nol daek muid Un in koma ka.’ ”

Matius 4:4 ပူးပေါင်းရင်းမြစ်များ

Matius 15:11

Asa man tama lako atuli li bahan na, tao hmomos oen lo. Mo asa man puti maa deng atuli li bahan na, man tao hmomos one.”

Matius 4:10

Mo Yesus baet un noan, “Hoe uikjale! Ku lako nodat deng maan ni tia! Ta Ama Lamtua Allah Buk Niu ka tek noan, ‘Ku musti todan-lahing se Ama Lamtua Allah, nol ku musti daek taung Un sii.’ ”

Matius 4:7

Mo Yesus situn elia, “Muik in dula ne Ama Lamtua Allah Buk Niu ka noan, ‘Ama Lamtua Allah na mo, Tuang deng atuli li totoang, Tiata ku boel sob Un deken’ ”.

Markus 7:20

Asa man puti deng atuli li dalen na ka, man tao hmomos una, didiin Ama Lamtua Allah kon nikis una.

Lukas 4:12

Mo Yesus situn noan, “Boel liun Auk ela deken. Ta muik dulan ne Ama Lamtua Allah Buk Niu ka noan, ‘Sob Ama Lamtua Allah deken!’ ”

Lukas 4:4

Mo Yesus situn noan, “Ku taan loo ke?! Ta dulan son ne Ama Lamtua Allah Buk Niu ka dalen noan, ‘Atuli li nuli suma undeng in kaa sii lo!’ ”

Lukas 4:8

Mo Yesus siut bali noan, “Hapun se ola na la? Ta ne Ama Lamtua Allah Buk Niu ka dul elia, ‘Ku musti todan-lahing se Ama Lamtua Allah sii. Nol ku musti lii-lau Una.’ ”

Yuhanis 15:26

Mo mam In Hulung nga le maa. Un nam Auk Amang nga Koo la, man tao mi le taan nal asa man in toma ka. Etan Auk lakong se Auk Amang ngu son nam, mam Auk niung Un Koo la maa bel mia. Le halin Un tek mi deng Au.

Yuhanis 6:63

Ama Lamtua Koo la man kil in nuil toma ka. Atuli li aap-ina ki kil nal in nuil toma na lo. Mo Auk in Teka-teka ngas butu-kil nol Ama Lamtua Koo la. Tiata in Teka-teka nas kon, kil in nuil toma bel atuli lia.

Roma 15:4

Totoang man hmunan nu in dul ne Ama Lamtua Buk Niu ka ngas, dulas taung in tui kita. Un tulu lalan le tao kit daid kuat-tes taplaeng, tahang nal muun dui pait, nol Un in Teka-teka ngas kon bel kit in makoe taplaeng. Nini ela lam, kit natang-natang nal le halin net Ama Lamtua in tulu Un dalen banan na bel kita ka.

Efesus 6:17

Kil dididi mi in parsai noan, mi haup boa-blingin deng Ama Lamtua Allah ka, ta na banansila el tentara las in lotong hlotong bisi ka. Kil dididi Ama Lamtua Allah in Teka-tek deng Un Koo Niu ka ngas, le labang kuasa-kuaas mitang ngas, ta na banansila el tentara las in kil suli le labang nol oen musu las sa.