Matius 4:25 - Buk Niu In Hida Balu nol Dehet deng Apan-kloma ki in Dadi ka

²⁵ Dedeng na, atuli hut mamo muid Una. Oen maas deng propinsi Galilea, nol deng dale Dekapolis, man oen noken kon noan, Kota Hngulu. Tenga las pait, maas deng kota Yerusalem, propinsi Yudea, nol deng palun Yordan halin na.

Matius 4:25 ပူးပေါင်းရင်းမြစ်များ

Matius 12:15

Mo Yesus taan oen in nangan dadaat ta, tiata Un lako maan didang. Atuli hut mamo muid Una, kon Un tao banan totoang atuil in ili ngas.

Matius 19:2

Atuil hut mamo kas muid Una, kon nam Un tao banan atuil in ili ngas se luas.

Matius 4:15

“Dale Sebulon nol Dale Naftali, man dani nol tubu Galilea, ne palun Yordan halin leol-denen. Atuil Yahudi lo kas daad ne as.

Matius 5:1

Nikit Yesus net atuil hut mamo nas in maas muid Un ela ka kon, Un saek lako se leten ana mes dapa, le daad se la. Un ima-ii man in huil nal son nas, maas dadani le hii se Una.

Matius 8:1

Yesus niu deng leten na kon, atuli hut mamo maas leo-leo le lakos muid Una.

Markus 5:20

Hidi kon, atuling na pait, le lako papmes mana mesa, man muik kota hngulu. Oen noken maan na noan, ‘Dekapolis’. Un dehet atuli las deng asa man Yesus in tao bel un son na. Totoang atuil in ming un in dehet ta ngas, herang isi, le tek noan, “Meman ana lo baktetebes!”

Markus 6:2

Tom nol atuil Yahudi las leol in kohe-kanas, kon Yesus taam lako se um in kohe-kanas sa, le tui atuli. Leol na, atuil in laok kohe-kanas mamo. Dedeng oen ming Yesus in tui ngas sa, oen hera-herang le tek noan, “Atuling ni in tana ki ana lo'! Un kon muik kuasa! Tasao le Un tao nal ela lia?

Markus 7:31

Hidi na kon, Yesus nol atuil in muid Una ngas nang soleng kota Tirus, le laok muid tasi suut tuun deng kota Sidon. Deng na, oen lakos napiut se tubu Galileas. Hidim oen lakos se mana mesa man muik kota hngulu, maan na oen noken ‘Dekapolis’.

Lukas 6:17

Nikit Yesus nol Un ima-ii las nius deng leten na kon, oen dil se dale titun mesa. Se na, muik atuli hut mamo maas nakbua. Oen maas deng propinsi Yudea, deng kota Yerusalem, deng Tirus nol Sidon, kota dua nas ne tasi suut.

Lukas 6:19

Totoang atuil nas kom le huud Una, ta eta oen huud toman nam, muik kuasa puit deng Una, le tao banan one.