Matius 4:11 - Buk Niu In Hida Balu nol Dehet deng Apan-kloma ki in Dadi ka

¹¹ Ming ela kon uikjale na haung boka lako nang soleng Yesus. Mo nahkitu lam, Ama Lamtua Allah ima-ii mes deng sorga maa le lii-lau Una.

Matius 4:11 ပူးပေါင်းရင်းမြစ်များ

Matius 26:53

Ku taan lo ke? Auk bisa nodan Auk Amang ngua, le tunang Un ima-ii lihu-lihu deng sorga, halin maa tulung Au.

Matius 4:6

Uikjale ka tekan elia, “Eta baktetebes Ku niam Ama Lamtua Allah Ana kam, olan Ku pul niu lako dale ku tia. Ta muik dulan ne Ama Lamtua Allah Buk Niu ka noan, ‘Mam Ama Lamtua Allah lek Un ima-ii in deng sorga nguas, le doh Ku.’ Ne Ama Lamtua Allah Buk Niu ka kon muik in dula noan, ‘Mam oen tod iman nas le tahang Ku, le halin Ku apam ma iil deken, nol Ku iim ma tom se baut deken.’ ”

Markus 1:13

Hmukit huin muik mamo ne maan na. Un daad se maan na dedeng buk aat, lelo buk aat. Se na uikjale kas laih tuan na, maa sob Yesus le halin muid se una, mo nalan lo'. Hidi kon, Ama Lamtua Allah ima-ii las deng sorga maa lii-lau Yesus.

Lukas 22:43

[Kon Ama Lamtua ima-ii mes deng sorga maa le tao tes Un dalen na.

Lukas 22:53

Lelo-lelo lam, Auk tui mi se Um in Kohe-kanas Tene ka, mo muik atuli mes in daek Au lo. Mo nang tuun tia! Oras ni, mi nena tuun tia. Ta halas ni uikjale kas laih tuan na man kuasa!”

Lukas 4:13

Uikjale kas laih tuan na soba-naan Yesus nini lalan bili-ngala, mo nal Un lo. Kon nam un lako nang soleng Yesus, le natang oras banan pait.

Yuhanis 14:30

Naha-bubuit pait tam, Auk aa nol mi pait lo ka. Ta uikjale kas laih tuan na maa kil prenta se apan-kloma kia. Mo un in kuasa ka tao tehen nal Auk lo.

Timutius mesa la 3:16

Hmunan nu muik dasi mes muun isi deng kit in parsai ka buni nabale, mo halas ni Ama Lamtua tek puting dais na son. Na ka: Kristus maa se apan-kloma ki son, nini atuli li hnika-tuladang. Ama Lamtua Koo la kon tulu bel noan, Yesus nam mo, Atuil in dalen lolo. Nol Ama Lamtua ima-ii in ne sorga nguas kon, ngat net Una. Ama Lamtua Allah nikit Un lako ne sorga son, hidim nikit sakeng Un ngala ka lapa-lapa. Un dehet ta holhising didiin lako papmes apan-kloma ki son. Se ola-ola, se apan-kloma kia, atuli li parsai Un son. Kit in parsai ka ela!

Ibrani 1:14

Mo Un ima-ii las meman muik nahin dui. Lole Un man nutus one, le laok urus totoang atuil man mam Un beles boa-blingin deng oen in kula-sala ngas. Mo ela kon no, Ama Lamtua Allah Ana ka, muun dui deng oen totoang nabale.

Ibrani 1:6

Dedeng Ama Lamtua Allah bel Un Ana in uhu isi na maa ka, Un kon prenta Un ima-ii in se sorga nguas noan, “Hoe! Ima-ii me! Mi musti laok todan-lahing Auk Anang nga!”