Matius 3:6 - Buk Niu In Hida Balu nol Dehet deng Apan-kloma ki in Dadi ka

⁶ Oen sai dalen nas nol hao' oen in kula-sala ngas totoang, kon Yuhanis sarain oen se palun Yordan na.

Matius 3:6 ပူးပေါင်းရင်းမြစ်များ

Matius 3:11

Auk le sarain mi totoang nini ui, halin daid tada noan, mi bali kudi le nang soleng mi in kula-sala ngas totoang son. Mo mam muik Atuli mes le maa, Un nam uhu dui deng au. Suma daid un atulin in loka-loka tuun kon no, auk tatai lo. Mam Un tao inu mi dalen nas nini Ama Lamtua Koo Niu ka. Un kon tao mi le daid niu, banansila el atuli in pake ai le loe nuli hlukat ta.

Lukas 1:16

Mam un hanet atuil Israel mamo le bali muid oen Tuang nga, na Ama Lamtua Allah.

Lukas 3:16

Mo Yuhanis kaing oen noan, “Hii babanan! Mam muik Atuling mes le maa, Un uhu dui deng au. Suma daid Un atulin in loka-loka tuun kon no, auk tatai lo. Auk suma sarain mi nini ui tuun, mo mam Un in dake ka uhu dui deng au. Ta mam Un tao inu mi dalen nas nini Ama Lamtua Koo Niu ka. Nol Un tao niu mia, banansila el atuli in nini ai le loe soleng hlukat ta.

Dehet deng Aan in Nutus sas 11:16

Ngat net oen sium Ama Lamtua Koo Niu ka ela kon, auk nangan net hmunan nu Lamtua Yesus in tek noan, ‘Yuhanis sarain mi nini ui tuun, mo mam Ama Lamtua Allah in tao bel mia ka muun dui pait deng na. Undeng Un le bel mi Un Koo Niu ka.’

Dehet deng Aan in Nutus sas 19:18

Hidim atuli-atuil man parsai babalu ngas, maas se oen pail-kakan in parsai ngas, le sai oen dalen nas, nol hao oen in kula-sala ngas.

Dehet deng Aan in Nutus sas 22:16

Boel tahang nesang bakun tia. Laok nodan oen le sarain kaka tia! Halin daid tada noan, kaka nodan Lamtua Yesus son le kose soleng kaka in kula-sala ngas.’ ”

Korintus mesa la 10:2

Tasi ka nol nopen na, daid kleta mesa. Ta kit upu kia-kaon nas parsai upung Musa, le daid tulu taung one, tiata oen laok muid nopen na, le taam lakos tasi na dalen leo-leo nol una. Na banansila el kit in parsai se Kristus sias le haup in sarani, halin daid tada noan, kit daid Un atulin, nol kit hii-ming se Una.

Kolose 2:12

Dedeng oen sarain mi nini ui ka, banansila el puan mi leo-leo nol Kristus. Hidim mi kon haup in nuli balu, banansila el Un kon. Mi haup ela, undeng mi parsai noan, Ama Lamtua Allah nini Un in kuasa man muun isi ka, le bel Yesus Kristus nuli pait deng Un in mate ka. Un kon nini in kuasa na le daek se mi dalen nas.

Ibrani 6:2

tui deng in sarani; tui deng in totong iman le sium Ama Lamtua Koo Niu ka; tui deng mam Ama Lamtua Allah tao atuil in mate ngas le nulis pait; nol tui deng mam atuli li laok situ-tal se Ama Lamtua, le sium Un in nutus sa noan, asii man haup in nuli napiut nol Una, mo asii man lo ka.

Ibrani 9:10

Tiata asa man oen in tao ka, suma muid atorang agama la tuun. Muik atorang man prenta noan, oen boel kaa ni lo, nol boel niun na lo. Muik atorang didang pait noan, oen musti boe-baes oen apan nas nol oen sa-saa las muid atorang nga in koma. Molota atorang nas totoang, suma mana-koet nal atuli li apa likun na tukun, mo mana-koet nal in ne atuli li dalen na ngas lo. Mo ela kon no, atorang nas musti laok napiut, didiin Ama Lamtua Allah seda nini atorang balu.

Yakobus 5:16

Eta deng mia la muik in daek kula nol apa kam, mi musti hao mi in kulang nas. Nini ela lam, mi kohe-kanas bel apa mes nol mesa, le halin mi haup in banan. Atuil man dalen niu ka, un in kohe-kanas sa inu nol in kuasa, nol haup isin banan.

Petrus mesa la 3:21

Ui in baa tene na ka, daid kleta mesa, man banansila el oras mi in haup sarani ka. In sarani na tulu bel noan, Ama Lamtua sas-sao mi deng mi in kula-sala ngas, undeng Yesus Kristus nuli pait son. Dedeng oen sarain mia ka, oen diu mi le tao niu mi apan nas lo. Ta in toma ka, mo mi in hid nol Ama Lamtua, le tao niu mi dalen nas sa. Nini ela lam, mi nulim, nol daek nal in toma ka.

Yuhanis mesa la 1:9

Mo eta kit hao kit in kula-sala ngas sam, Ama Lamtua Allah nam mo dalen na lolo, tiata taon elola ko, Un tao muid Un in hida ka, le kose soleng kit in kula-sala ngas, nol tao niu kit dalen nia.