Matius 3:4 - Buk Niu In Hida Balu nol Dehet deng Apan-kloma ki in Dadi ka

⁴ Yuhanis in nuli ka banansila el Ama Lamtua mee-baah hmuna-hmunan nuas kon. Un kai-baut in pake ngas dakes nini unta bulu. Un bota la, daken nini hmukit bulang. Un in kaa ka, klamat nol uin pani.

Matius 3:4 ပူးပေါင်းရင်းမြစ်များ

Matius 11:18

Mi niam banansila el tana-anang man in kaen daat tas. Dedeng Yuhanis maa ka, un kom in telang, nol niun anggor lo. Mo atuli las noken un noan, ‘Un tom uikjale!’

Matius 11:8

Nol taon elola kon, mi laok le tutnaal atuil in pake kai-baut osa-osa lo, undeng atuil tuladang ela ka suma nuli ne sonaf dalen tuun!

Lukas 1:17

Un oen-lalin na nol un in kuasa ka parsis el upung Elia, man Ama Lamtua mee-baha deng hmunan nua ka. Un maa muna deng kit Tuang nga. Un tao atuil blalan nas le namnau oen anan nas pait. Nol atuil in bali kudi Ama Lamtua ngas, un bali oen in nuli ka kon, le halin oen bali muid Ama Lamtua in koma ka. Nini ela lam, un tao atuli las le oen dalen nas sium Lamtua in maa kia.”

Apan-kloma Hnika Balu 11:3

Mam Auk nutus Auk atulin at dua se na, le oen daid Auk mee-baha. Mam oen pake kitu-kaod dael ili, nol aa deng Au, didiin leol 1.260 nas hidis.”