Matius 3:3 - Buk Niu In Hida Balu nol Dehet deng Apan-kloma ki in Dadi ka

³ Hmunan nu Ama Lamtua Allah mee-baha mesa, ngala Yesaya dul meman son deng Yuhanis elia, “Mam muik atuli mes haman-haman se maan atuli in ase' le tek noan, ‘Totoang atuli li mana-mana le daek babanan lalan na, halin sium Ama Lamtua Allah in maa kia! Tao titu lalan na taung Una!’ ”

Matius 3:3 ပူးပေါင်းရင်းမြစ်များ

Markus 1:3

Mam atuling na lako se epe man in muik atuil lo', le haman tek mumuun noan: ‘Totoang atuli li mana-mana le daek babanan lalan na, halin sium Ama Lamtua in maa kia! Daek titu lalan na, le sodo-sium Una.’ ”

Lukas 1:17

Un oen-lalin na nol un in kuasa ka parsis el upung Elia, man Ama Lamtua mee-baha deng hmunan nua ka. Un maa muna deng kit Tuang nga. Un tao atuil blalan nas le namnau oen anan nas pait. Nol atuil in bali kudi Ama Lamtua ngas, un bali oen in nuli ka kon, le halin oen bali muid Ama Lamtua in koma ka. Nini ela lam, un tao atuli las le oen dalen nas sium Lamtua in maa kia.”

Lukas 1:76

Yuhanis! Ku niam, auk anang. Mam atuli li taan noan, ku niam mo, Ama Lamtua Allah man Lapa Dui Hihidi ka mee-baha. Mam ku laok tek atuli las, le oen sodo-sium Tuang in maa kia.

Yuhanis 1:23

Kon nam un aa muid asa man upung Yesaya in dul son noan, “Auk niam atuling man in aa niin mumuun se epe in ete tuun nuas, le tek noan, ‘Totoang atuli li mana-koet lalan na babanan, le sodo-sium Ama Lamtua in maa kia! Tao titu lalan na le sium Una.’ ”