Matius 3:15 - Buk Niu In Hida Balu nol Dehet deng Apan-kloma ki in Dadi ka

¹⁵ Mo Yesus situn noan, “Sa-saa lo. Se dedeng nia lam, nang le kaka man sarain Au. Nini ela lam, kit daek muid Ama Lamtua Allah in koma ka.” Ming ela kon Yuhanis siut noan, “Muid se Tuang tuun.” Hidi kon un sarain Yesus.

Matius 3:15 ပူးပေါင်းရင်းမြစ်များ

Matius 3:14

mo Yuhanis dai tao lo. Un kaen elia, “Taon elol le auk man musti sarain Tuang ngia? Ni nahluan lo ke? In toma ka lam, tuang man musti sarain au, ta na ka man auk parlun!”

Lukas 1:6

Oen duas nuil lolo-lolo muid Ama Lamtua Allah prenta las nol atorang ngas totoang. Atuli kon todan one.

Yuhanis 13:15

Auk tao bel mi in not mes son. Tiata Auk tao elola lam, mi musti tao muid ela kon.

Yuhanis 15:10

Etan mi lako-daek muid Auk in prenta ngas sam, mi butu-kil napiut nol Au, lam Auk tulu nal Auk in neka-namnau mia ka. Na banansila el Auk in lako-daek muid Auk Amang ngu prenta la ka, tiata Un neka mo namnau Auk napiut.

Yuhanis 4:34

Mo Yesus tekas noan, “Elia: Ama Lamtua Allah nutus Au le daek muid Un in koma ka, nol lako-daek Un osa la didiin hidi. Na banansila el in kaa mes taung Au.

Yuhanis 8:29

In nutus Au ka kon, muik leo-leo nol Auk tutungus. Un nang Auk siing tatahan lo, undeng Auk tao muid Un in koma ka tutungus.”

Ibrani 7:26

Yesus nam, tulu agama in lapa dui man kit parlun isi. Lole Un nam, Atuil Niu man muik tahan kula-salan saa lo. Un nam el atuil biasa li le tao kula-sala tutungus lo. Ta Ama Lamtua Allah nikit Un lapa-lapa son, dui deng totoang in ne apan-kloma kia nol in ne sorga nguas.

Yuhanis mesa la 2:6

Tiata, eta atuli aa noan, “Auk in nuli ki butu-kil nol Ama Lamtua Allah” lam, un in nuli ka kon musti banansila el Yesus Kristus.