Matius 3:14 - Buk Niu In Hida Balu nol Dehet deng Apan-kloma ki in Dadi ka

¹⁴ mo Yuhanis dai tao lo. Un kaen elia, “Taon elol le auk man musti sarain Tuang ngia? Ni nahluan lo ke? In toma ka lam, tuang man musti sarain au, ta na ka man auk parlun!”

Matius 3:14 ပူးပေါင်းရင်းမြစ်များ

Matius 3:13

Oras na Yesus niu maa deng Galilea le lako el palun Yordan na. Un maa nodan Yuhanis le sarain Una,

Matius 3:15

Mo Yesus situn noan, “Sa-saa lo. Se dedeng nia lam, nang le kaka man sarain Au. Nini ela lam, kit daek muid Ama Lamtua Allah in koma ka.” Ming ela kon Yuhanis siut noan, “Muid se Tuang tuun.” Hidi kon un sarain Yesus.

Lukas 1:43

Auk kon haup in naka, undeng auk Lamtuan na ina ka maa tutnaal nol au.

Yuhanis 1:16

Yuhanis aa ela, lole Atuling na kom isi le tulu Un dalen banan na. Un tulu dalen banan na tutungus ela bel kit totoang.

Roma 1:13

Kaka-pail in namnau me! Auk in koma ka le mi tana noan, auk nangan le tia meo mi se Roma oe-oe son. Mo maa lius leol neot ni kon, daid lo bii nabale. Eta auk daid in tia kam, auk in koma ka le muik atuli mamo daid in parsai se Kristus, banansila el maan tenga luas kon. Nini ela, lam auk in dake ki haup isin banan.

Roma 3:23

Ta totoang atuli li tao kula. Tiata muik atuli mes lo kon man tao apa ka le babanan pait nol Ama Lamtua, undeng oen in tao ka tatai nol asa man Ama Lamtua in koma ka lo.

Roma 3:25

Ama Lamtua Allah tulu nal Yesus son, le daid in sui-nahat nol kose soleng kit in kula-sala ngas, le tepat kit in mae ka. Mo kit musti parsai se Una noan, Un man sium kit hukung nga. Tiata, Un nang Un dala ka le baa, halin mate seda kita. Nini ela lam, Ama Lamtua Allah tulu bel noan, asa man Un in nutus son na, toma. Hmunan nu, Un keeh isi, hidim Un huil le nadidingun atuli li in tao kula-sala se hmunan nua ka. Mo eta Un hukung atuil in kula-sala ngas lo kam, Un in dake ka lolo lo. Tiata, Un sai lalan le nang Yesus Kristus halin tom in hukung undeng kit in kula-sala ngias. Halas nia, Un tulu bel atuli li totoang noan, Un lako-daek in banan na napiut. Hidim totoang atuil in kula-sala man parsai se Yesus sas, Un nutus le noken oen noan, atuil in dalen lolo.

Galatia 3:22

Ta dulan ne Ama Lamtua Buk Niu ka noan, totoang atuli li butu-kil didi nol in kula-sala mamo. Undeng na le, suma atuil in parsai se Yesus Kristus sas siis, man sium asa man Ama Lamtua Allah in hid son na.

Galatia 4:6

Undeng mi daid Ama Lamtua Allah anan son, tiata Un bel Un Ana ka Koo Niu ka maa son, le tama se mi dalen nas. Nini ela, mi muik hak le haman Ama Lamtua Allah noan, “Ama Namnau”.

Ibrani 7:23

Hmunan nua, tulu agama tuladang blaan nas tom in seda tutungus, undeng oen mates. Tiata musti muik tulu agama mamo.