Matius 27:42 - Buk Niu In Hida Balu nol Dehet deng Apan-kloma ki in Dadi ka

⁴² “Un bel slamat atuil didang son, mo Un apa ka esa kam, Un bel slamat nalan lo. Un tek le Un niam Laih taung atuil Israel las, ta lo?! Eta ela lam, banan dui ka Un niu deng kai na tia. Ta kit net ela, halas-sam kit parsai Una.

Matius 27:42 ပူးပေါင်းရင်းမြစ်များ

Matius 2:2

Oen maas lius se Yerusalem kon, oen ketan lako-pait noan, “Atuil Yahudi las Lahin in hua babalu ka, ne ola ke? Kaim ngat net duun mes son se halin leol-saken, man bel tada noan, hua Un son. Undeng na le, kaim maa todan-lahing Una.”

Matius 27:37

Oen kon dul se kai bleha mes noan, “NI YESUS, ATUIL YAHUDI LAS LAHIN” Hidim oen pauk kai bleha na se kai la, titu se Yesus bon na dapa, le tulu bel noan, tasao le oen hukung tele Una lia.

Matius 27:40

Oen kidu le haman tekan noan, “Hoe! Ku tek noan, Ku tao lean nal Ama Lamtua Allah Um in Kohe-kanas Tene ka, hidim lelo tiul siis sam, Ku bangun-pii pait, ta lo? Eta baktebes Ku niam Ama Lamtua Allah Ana kam, olan Ku loat Ku apam ma, le niu deng kai na tia.”

Matius 27:41

Tulu agama Yahudi las tene-tenen nas, nol guru-guru agama las, nol blalan-blalan hadat tas kon, bilu-aa Un noan,

Markus 15:31

Tulu agama Yahudi las tene-tenen nas nol blalan-blalan agama las kon bilu-aa Yesus noan, “Un bel slamat nal atuil didang, mo Un apa ka esa kam, Un bel slamat nalan lo!

Markus 15:32

Un noken Un apa ka esa noan, ‘Kristus’, Atuling man Ama Lamtua Allah tulu meman son deng lolo hmunan nua ka. Atuil tenga las tek noan, Un niam atuil Israel las Lahin. Eta baktetebes ela lam, Un musti niu muna deng kai sangsuli la, le kit netan, halas-sam kit parsai se Una.” Atuil at dua man holtai leo-leo nol Yesus se kai sangsuli dapa ngas kon, bilu-aa Una.

Lukas 19:38

Oen leo-leo naka-naka noan, “Un niam, Lahing man Ama Lamtua Allah in nutus maa ka! Ama Lamtua Allah bel hangun se Una! Halas nia, atuli li haup in mole-daem nol Ama Lamtua se sorga son. Naka Ama Lamtua man daad le kil prenta ne apan-dapa man lapa dudui kua.”

Lukas 23:35

Atuil in maa lingut se maan na ngas kon hut mamo. Atuil Yahudi las tene-tenen nas bilu-aa Yesus noan, “Un bel slamat nal atuil didang son, mo Un apa ka esa kam, Un bel slamat nalan lo. Eta Un nia mo baktetebes Kristus, man Ama Lamtua Allah hulin meman son na lam, nang le Un niu esa deng kai sangsuil na tia.”

Lukas 23:37

hidim kidu-ahan le bilu-aa Un noan, “Eta baktetebes ku niam atuil Yahudi las Lahin nam, sui puting ku apam ma tia!”

Yuhanis 1:49

Kon Natanel hao noan, “Tuang Guru niam taon elola ko, Ama Lamtua Allah, Ana! Nol Tuang kon taon elola ko, kaim atuil Israel li Lahin!”

Yuhanis 12:13

Kon oen lakos dait kai klehen muda le hehan laok se lalan na, halin daid tada noan, oen sodo-sium Yesus in maa ka banansila el Un nam atuil tene. Hidim oen kidu kleba-kleba le aa noan, “Hosana! Naka-naka Ama Lamtua Allah! Ta Ama Lamtua tulu Un dalen banan na bel Lahing Israel la, man maa nol kil Ama Lamtua ngala ka!”

Yuhanis 12:47

Eta muik atuli hii-ming Auk in Teka-teka nias, mo lako-daek mudis lo kam, Auk nutus un hukung nga lo. Ta Auk maang se apan-kloma kia le nutus atuli las hukung ngas lo, molam Auk in koma ka le, bel boa-blingin atuli li deng oen in kula-sala ngas.

Yuhanis 9:24

Hidim oen haman atuling man hmunan nu mata ka tedo ka, le tekan noan, “Ku musti aa lolo-lolo se Ama Lamtua Allah sila, nol doh Un ngaal banan na. Ta kaim tanan parsis le Yesus na mo, atuil daat.”

Dehet deng Aan in Nutus sas 4:14

Tukun nam oen bahan nas tema, didiin oen aa mamo pait lo son. Dudui pait ta, atuling man banan son deng un in hlukut-kait ta, dil baab se na kon, se oen sila-matan.