Matius 27:14 - Buk Niu In Hida Balu nol Dehet deng Apan-kloma ki in Dadi ka

¹⁴ Mo Un siut bubuit lo kon, ta gubernur ra herang isi.

Matius 27:14 ပူးပေါင်းရင်းမြစ်များ

Matius 26:63

Yesus siut saa lo. Kon tuang tene ka keket pait noan, “Auk le keket elia! Mo Ku musti siut baktetebes, banansila el Ku siut Ama Lamtua Allah in nuli man ne sorga kua. Muik atuli tek noan, Ku niam Kristus, Ama Lamtua Allah Ana, man Un hid meman son deng hmunan nua ka. Baktebes ela le?”

Matius 27:12

Mo dedeng tulu agama Yahudi las tene-tenen nas, nol blalan-blalan hadat tas klaa nolan dasi mamo ka, Un siut saa lo.

Matius 27:13

Kon gubernur ra keket Un pait noan, “Ku ming oen in aa apin na lo ke? Oen bel kula Ku mamo isi son, mo tasao le Ku siut lo kia?!”

Markus 15:5

Mo Yesus siut saa lo, didiin gubernur ra herang isi.

Lukas 23:9

Kon un keket Yesus dasi bili-ngala, mo Yesus siut saa lo.

Yuhanis 19:9

Hidim un tama lako pait tentara las benteng nga dalen, kon nam un keket Yesus noan, “Ku niam, atuil deng ola?” Mo Yesus siut tatahan un lo.

Korintus mesa la 4:9

Ama Lamtua Allah man nutus kaim son, le laok se ola-ola, se papmes apan-kloma kia, halin tek atuli li deng Kristus. Mo oe mesa-mesa kam, auk nangan nam, Ama Lamtua tadu kaim le dil se klupu hesa kua, banansila el atuil bui, man natang lelon in hukung tele one ka. Hidim Un nang le totoang atuil in ne apan-kloma ki ngias, nol Un ima-ii in se sorga nguas lingut kami.