Matius 26:53 - Buk Niu In Hida Balu nol Dehet deng Apan-kloma ki in Dadi ka

⁵³ Ku taan lo ke? Auk bisa nodan Auk Amang ngua, le tunang Un ima-ii lihu-lihu deng sorga, halin maa tulung Au.

Matius 26:53 ပူးပေါင်းရင်းမြစ်များ

Matius 25:31

Hidi kon Yesus dehet napiut noan, “Au, Atuling Baktetebes nia, mam niu maang pait, nini Auk Amang ngu in kuasa man loe-liliman na, leo-leo nol Un ima-ii las deng sorga. Hidim Auk daad se Auk del in prenta man muun dudui ka, le pres totoang atuli li dasi las, muding asa man oen in lako-daek son nas.

Matius 4:11

Ming ela kon uikjale na haung boka lako nang soleng Yesus. Mo nahkitu lam, Ama Lamtua Allah ima-ii mes deng sorga maa le lii-lau Una.

Markus 5:15

Oen maas tutnaal nol Yesus, kon oen ngat tam atuling in tom uikjale ka daad se na. Un in nangan na banan son, nol un kon pake kai-baut son. Ngat net ela kon, atuli las totoang daid lii, lole oen tana noan, asii man nulut puting nal uikjale mamo nas deng atuling na son nam, taon elola ko atuling na meman muun isi.

Markus 5:9

Kon Yesus keket un noan, “Ku ngalam sii la?” Atuling na siut noan, “Auk ngalang Legion, ta kaim niam mamo naseke', banansila el batalion mamo!”

Lukas 8:30

Yesus keket un noan, “Ku ngalam sii la?” Kon uikjale na siut noan, “Legion, ta kaim niam mamo isi, tuladang el tentara lihu-lihu.” Un tek ela, lole uikjale mamo taam ne un apa ka.

Yuhanis 10:18

Muik atuli in dising Auk le mateng lo, mo Auk esang man tade le sao Auk apang ngi didiin mateng. Auk muik hak le sao Auk apang ngia. Auk muik hak le kat pait kon. In leka nia, Auk simun son deng Auk Amang in ne sorga kua.”

Yuhanis 18:36

Kon Yesus tekan noan, “Auk niam mo lahi mes deng apan-kloma ki lo. Ta eta Auk daid laih tuladang ela lam, taon elola ko, Auk atulin in loka-tadu ngas tuku-keng le atuil Yahudi las daek nal Auk lo. Meman Auk daid Lahi. Mo muik tahan atuli mes lo kon se apan-kloma kia, man nikit Auk le daid Laih ela.”

Tesalonika dua la 1:7

Un kon bel mi le tenem tahang deng susa-daat, man mi in lepa-hala ngas. Un daek ela bel kaim kon. Mam nias totoang dadi, se oras Lamtua Yesus in niu maa leo-leo nol Un ima-ii man muun isi deng sorga nguas sa.

Yudas 1:14

Henok nam in hua-koet ke itu, kahin mulai deng Adam. Un tek meman deng atuil in tuladang elia ngas noan, “Mi ngat nanan le. Kit Lamtuan na maa, nol Un ima-ii niu' in deng sorga ngas. Oen mamo isi, didiin kaih nalas lo.