Matius 26:52 - Buk Niu In Hida Balu nol Dehet deng Apan-kloma ki in Dadi ka

⁵² Net ela kon, Yesus kaing un noan, “Bubut ku hela ka pait lako hbubut ta, ta atuil in keng nini hela ka, mam mate nini hela kon.

Matius 26:52 ပူးပေါင်းရင်းမြစ်များ

Matius 5:39

Mo Auk le tek elia: balas in daat ta nini daat deken. Eta atuli papas ku pipim halin na lam, nang le un papas ku pipim halin na kon.

Roma 12:19

Kaka-pail in namnau me! Boel balas in daat ta nini daat deken. Nang le Ama Lamtua man ator esa. Ta Un koon-mali, eta atuli daek dadaat, banansila el in dul ne Buk Niu ka noan, “Kit Lamtuan na esa tek noan, Auk man muik hak le balas in daat tas. Ta Auk man bel hukung atuli li in daat tas.”

Tesalonika mesa la 5:15

Balas in daat ta nini daat deken. Molam nuklek le daek banan nas tutungus taung atuli li totoang. Suma daek banan saol kit atulin nias siis deken, molam nol atuil likun nuas kon.

Petrus mesa la 3:9

Balas in daat ta nini daat deken. Eta muik atuli in aa le kiu nahu mia tutungus sam, aa le kiu nahu balis deken. Molam nodan, le Ama Lamtua tao dais banan bel una. Ta Ama Lamtua haman mi son, le daid Un atulin, halin mi sium nal in banan na deng Una.

Apan-kloma Hnika Balu 13:10

Eta Ama Lamtua nutus son noan, musti muik atuli man tom in dake kam, mam un tom in dake. Eta Ama Lamtua nutus noan, musti muik atuli man tom in keo nini suli kam, mam un tom in keo nini suli.” Undeng na le, Ama Lamtua atulin nas boel hoen deken. Ta na man daid dola le oen tahang muid napiut, nol parsai napiut se Una.

Apan-kloma Hnika Balu 16:6

Atuli las boho Ama Lamtua atulin nas dalan nas son. Atuli las keo tele Ama Lamtua mee-baha las son. Undeng na le, Ama Lamtua dising le oen kon niun daal na son. Tiata Ama Lamtua in balas hukung bel one ka, toma.”