Matius 26:3 - Buk Niu In Hida Balu nol Dehet deng Apan-kloma ki in Dadi ka

³ Leol na, tulu agama Yahudi las tene-tenen nas, nol blala-blalan hadat tas nakbua se Kayafas uma. Kayafas na mo, tuang tene deng tulu agama Yahudi las.

Matius 26:3 ပူးပေါင်းရင်းမြစ်များ

Matius 26:69

Dedeng na, Petrus daad nabael se kintal la. Kon ata bihata mes maa aa nol un noan, “Apin ku kon leo-leo nol Yesus, atuling Nasaret ta, ta lo?”

Matius 27:27

Hidi na kon, tentara las pel nol Yesus lako se oen benteng nga kintal tene ka. Se na, oen haman oen tapan in batalion mes nol one ngas.

Markus 14:54

Oras oen daek nol Yesus lako ka, Petrus laok huni-huni le muid deng klupu la, didiin lakos lius se tulu agama Yahudi las tuang tene ka uma. Un kon tama lako se kintal la, le daad mala ai leo-leo nol atuil in doh se na ngas.

Markus 14:66

Dedeng na Petrus daad nabael se kintal la. Kon nam tulu agama Yahudi las tuang tene ka, ata bihata mes maa, kon un ngat net Petrus mala ai. Un tadas Petrus sila ka babanan, hidim un tekan noan, “Apin ku kon leo-leo nol Yesus, atuling Nasaret ta, ta lo?”

Markus 15:16

Hidi na kon, tentara las pel nol Yesus lako se oen benteng nga. Se na, oen haman oen tapan nas batalion mesa.

Lukas 22:55

Se um na kintal la, atuli las suni ai le malas. Tiata Petrus kon lako daad le mala ai se na.

Yuhanis 11:57

Mo tene-tene deng tulu agama las nol atuil Farisi las prenta son noan, “Etan muik atuli in taan noan Yesus muik ne maan ola lam, tek kami le!” Molota oen in tao ka le daek Una.

Yuhanis 18:24

Hidi na kon, Hanas tadu oen le kil nol Un lako se Kayafas sua, man daid tuang tene in lapa dui deng tulu agama Yahudi las. Oras oen nol Un lako ka, oen butun nabale.

Yuhanis 18:28

Ola ka, oskaong bii kon, oen kil nol Yesus deng Kayafas sa lako se gubernur ra um in dada ka, ne tentara Roma las benteng nga. Muid atuil Yahudi las sam, oen boel taam laok se atuil Roma las mana la lo, ta lo kam oen daid hmomos, le kaa baab se fesat Paska la lo.