Matius 26:25 - Buk Niu In Hida Balu nol Dehet deng Apan-kloma ki in Dadi ka

²⁵ Hidi nam, Yudas kon keket noan, “Atuling man Paap in aa na, auk lo, ta lo?” Kon Yesus situn noan, “Meman ku esa man tek ela son, mo asii pait ta?”

Matius 26:25 ပူးပေါင်းရင်းမြစ်များ

Matius 23:7

Eta oen laok pasar ram, oen kon kom in nuting le atuli todan one. Oen nuting le halin atuli aa nol oen noan, ‘Boa-blingin, ama guru.’

Matius 23:8

Mo mi tao muid oen in dake na deken! Atuli boel haman mi noan, ‘ama guru’ deken, undeng mi Gurun na suma mes sii. Nol mi totoang niam kaka-pali.

Matius 26:14

Muik at mes deng Yesus ima-ii at hngul dua kas, ngala Yudas Iskariot. Un puti lako nuting tuang-tuang agama Yahudi las le sao Yesus bel one.

Matius 26:49

Oen lakos lius se Yesus sa kon, Yudas lat napiut lako dil se Yesus sila ka le aa noan, “Boa-blingin Paap Guru!” Hidim un neok Yesus le likin.

Matius 26:64

Kon Yesus siut noan, “Meman ama in aa ka toma. Mo nangan ne! Ta mam mi totoang ngat net Au, Atuling Baktetebes nia. Mam Auk daad se sorgang, se Ama Lamtua Allah, man muik kuasa muun dudui ka halin kanan na, le kil prenta leo-leo nol Una. Hidim, mam Auk niu pait maang se nopen daleng.”

Matius 27:11

Nikit atuil nas kil nol Yesus lako lius se gubernur ra kon, un keket Yesus noan, “Elola? Ku niam baktetebes atuil Yahudi las Lahin ne?” Un siut noan, “Baktebes! Paap in aa na, toma.”

Lukas 22:70

Ming ela kon, oen totoang keket noan, “Eta ela lam, Ku nangan noan Ku nia mo, Ama Lamtua Allah Ana ke?” Kon nam Yesus siut noan, “Meman mi in aa ela na, tom baktebes.”

Yuhanis 18:37

Kon nam, gubernur ra keket pait noan, “Ta Ku niam mo Lahi le?” Yesus siut noan, “Ama gubernur esa man tek noan Auk niam Lahi. In toma ka, hua Auk le daid Lahi. Auk kon maang se apan-kloma kia, le daid Lahi, halin Auk tui-tek deng dasi-dais in toma ngas. Totoang atuil man kil didi dasi-dais in toma ngas, hii-ming se Au.”

Yuhanis 4:31

Se dedeng bihatang nga in pait lako kota lua ka, Yesus ima-ii las hanet Un noan, “Tuang Guru! Maa kaa napat le!”