Matius 25:5 - Buk Niu In Hida Balu nol Dehet deng Apan-kloma ki in Dadi ka

⁵ Lius se oen tapan na uma lam, biklobeng in sapa ka maa lo bii nababael tuun. Nesang-nesang kon, tana-bihaat nas matan tede, ta oen niin nalas.

Matius 25:5 ပူးပေါင်းရင်းမြစ်များ

Matius 24:48

Mo etan atuling in loka-loka na hadat lo kam, taon elol kon un nangan se un dalen na noan,

Matius 25:19

Nesang ana lo, halas-sam oen tuang nga pait maa. Kon un haman nakbua oen tilus, le keket duit man un in bel oen son, le taung in sepo-dakang ngas.

Matius 25:4

Mo lim in tana ngas kil meman son.

Matius 25:6

Mo bingin-tai kon, oen ming atuli haman tek noan, ‘Hoe! Biklobeng in sapa ka maa son nuan! Maa le kit laok sodo-sium un tia!’

Matius 26:40

Kohe-kanas hidi kon, Un pait lako Un ima-ii at tilu las. Mo oen niin nalas. Kon Un buk-bangun one, hidim tek Petrus noan, “Hoe! Petrus! Tasao le mi ninim mia? Auk in lakong se nua ka, nanapat tuun, mo mi melang nal bubuit lo kon nia!

Matius 26:43

Kohe-kanas hidi ela kon, Un pait lako se Un ima-ii at tilu las. Mo oen niin nalas pait son, undeng oen matan nas tede isi.

Lukas 1:21

Atuil hut mamo man kohe-kanas se likun na ngas nangan hapun lo, lole Sakarias puti taan lo tuun nam.

Lukas 12:45

Mo banan lo, eta tulu deng ata kas nangan noan, ‘Eh! Taon elola ko blalan na nesang, halas-sam pait maa.’ Kon un diku-puang ata tenga las, bihata tamlom biklobe. Hidim un daad le kaa-niun nol dael kolo didiin mahu.

Lukas 18:8

Ta Un nehan oen dasi las nol hlapat. Elam, Auk le ketan elia: Eta Au, Atuling Baktetebes nia, maang pait son nam, nataka le Auk tutnaal atuil in parsai se dale-dapa nia, tam lo ka?”

Lukas 20:9

Hidi kon, Yesus dehet atuil hut mamo kas, kleta mes pait noan, “Atuli mes hai anggor se un klapa la. Hidim un seban lako bel atuil in daek klapa ngas, le maa liam oen bating apa klaap na in hapu ka. Mo un lako daad nesang se nusa didang.

Roma 13:11

Ama Lamtua Allah le sas-sao kit deng atuil apan-kloma ki in daat tas. Nol halas nia, oras in le bel atuli li boa-blingin na, dani dui son deng oras kit in le parsai se Yesus Kristus sa. Undeng na, le kit musti nuil namnau apa, undeng kit taan dais nia. Tuladang el hmunan nu kit nining. Mo halas nia lam, kit musti hangung tia!

Efesus 5:14

Ela kon, eta kit laang dais daat man atuli li in tao ngas sam, un tana noan, dais un in tao na, daat. Muik dani mes elia, “Hoe! Mi in nini ngas, hangum tia! Mi in mate ngas, nulim pait tia! Ta Kristus le laang bel mi dalen nas.”

Petrus mesa la 5:8

Doha-doha lo! Nangan blatas! Doh babanan ta kit musu las mo uikjale kas tuang nga, un le tao dudus mia. Un le hol mi tetema banansila el singa in koon-mali, man nuting hmukit le kaa ka.

Apan-kloma Hnika Balu 2:25

sadi mi kil dididi mi in parsai ka didiin Auk pait maang.