Matius 25:10 - Buk Niu In Hida Balu nol Dehet deng Apan-kloma ki in Dadi ka

¹⁰ Kon oen lakos sos mina, mo oras oen puit lakos sa, biklobeng in sapa ka maa lisu. Ta tana-bihaat in tana ngas, taam lakos fesat ta dalen, leo-leo nol biklobeng in sapa ka nol haep pas totoang. Nikit oen tamas totoang son kon, atuli hkaen tele hnita ka.

Matius 25:10 ပူးပေါင်းရင်းမြစ်များ

Matius 24:42

Undeng na, tiata mi musti doh duman-lelo, ta mi taan lo noan blinga lam mi Tuang nga pait maa.

Matius 24:43

Nangan babanan ne! Eta um lamtua ka taan noan, duman ni atuil in nako ngas le maas sam, taon elola kon, un doh tutungus le halin atuil in nako ngas taam nal se un uma la lo.

Matius 24:44

Undeng na, mi musti doha-doha. Ta Auk in pait maa ki nahkekekan tukun!”

Matius 25:6

Mo bingin-tai kon, oen ming atuli haman tek noan, ‘Hoe! Biklobeng in sapa ka maa son nuan! Maa le kit laok sodo-sium un tia!’

Matius 7:21

“Mam muik atuli in haman Auk noan, ‘Tuang!’ Mo oen suma aa deng sulan likun nas tuun. Mam Ama Lamtua Allah in ne sorga ku, hutun soleng one. Ta suma atuil man muid baktetebes Un in koma ngas siis, man Un simus le daid Un atulin.

Lukas 12:35

Yesus aa pait noan, “Lelo-duman nam mi musti mana le lii-lau Ama Lamtua tutungus. Tuladang el ata in melang, le natang um lamtua ka in pait deng fesat in sapa ka. Eta tuang nga bitin hnita ka lam, un hlapat sai.

Lukas 13:25

Eta um lamtua ka hkaen hnita ka son nam, mi dil se likun le bitin hnita ka tutungus, nol haman le nodan tulung noan, ‘Tuang! Sai hnita ki le!’ Mo un siut noan, ‘Auk taan mi lo!’

Timutius dua la 4:8

Halas ni suma liis dasi mes sii, man auk nata-natang. Na piala man kit Lamtuan na in pesang son, le taung in bel totoang atuil man nuil lolo ngas. Kit Lamtuan na, atuil hlala man lolo. Un na mo ngele halin lo. Eta lius un oras sa lam, Un sao bel auk piaal in nala ka. Mo suma auk siing lo. Ta totoang atuil in namnau Una, nol nata-natang Un in pait maa ngas, kon haup piala!

Petrus mesa la 1:13

Tiata mi musti mana apan le nangan taan dais nias totoang nol babanan. Doh babanan le mi in nangan na lolo. Mana apan le parsai napiut se Yesus Kristus didiin Un pait maa. Ta oras na Ama Lamtua le tulu Un dalen banan na bel mia.

Apan-kloma Hnika Balu 1:7

Tiata, bela matan le tinang babanan! Halas ni Yesus nol Un Ama ka ne sorga. Mo nesang lo ka kam, Un niu maa se nopen dalen. Mam totoang atuil in ne apan-kloma ki ngias ngat net Una. Ela kon nol atuil man hmunan nu hai Un se Un blapas sa ngas. Mam totoang bangsa in se apan-kloma ki ngias sabail apan le lilu mumuun undeng oen taan Una. Taon elola ko nias totoang dadis. Baktebes ela.

Apan-kloma Hnika Balu 19:7

Halas ni, kit dalen nias kolo son. Nol kit dalen nias kolo dudui pait. Kit naka-naka Una, undeng Lae-blai Ana ka leol in sapa ka maa lius son. Kit nikit sakeng Un ngala ka lapa-lapa, undeng Lae-blai Ana ka sapa ka lohas hidi son.

Apan-kloma Hnika Balu 22:20

Yesus esa man tulu-balang dais nias totoang son. Un hid son noan, “Toman na! Nesang lo ka kam, Auk maang.” Elam, Lamtua Yesus, maa tia!