Matius 25:1 - Buk Niu In Hida Balu nol Dehet deng Apan-kloma ki in Dadi ka

¹ Hidi kon, Yesus tupang Un dehet ta pait noan, “Mi musti mana-mana le sodo-sium Auk in pait maa kia, banansila el kleta nia: Duman mesan na, haat-ana at hngulu, putis kil oen hadut tas, le laok sodo-sium biklobeng in sapa ka se oen tapan nas mes uma.

Matius 25:1 ပူးပေါင်းရင်းမြစ်များ

Matius 13:24

Yesus bel kleta mes pait elia, “Ama Lamtua Allah in kil prenta ka, banansila el atuli mes hising biin banan se un klapa la.

Matius 13:31

Hidi nam Yesus dehet napiut noan, “Auk tapnaeng kleta mes pait, le halin mi taan noan, taon elola le Ama Lamtua Allah daid Laih bel atuli mamo kia. Un atulin nas hmunan nu bubuit tukun, mo nesang le keko lako lam, oen mamo tapnaeng nol kuat tapnaeng, banansila el kai beas ana blutu, man atuli hai se un klapa la ka.

Matius 13:38

Nol klapa la na mo, apan-kloma kia. Biin banan nas mo atuli-atuil man tamas son, le daid Ama Lamtua Allah nenan. Nol blua lii las nam, atuli-atuil in daid uikjale kas tuang nga nenan.

Matius 13:47

Yesus nahdeh taplaeng pait noan, “Ama Lamtua Allah in kil bandu ka, banansila el atuli laok sao pukat mes se tasi kua. Kon pukat ta nal ikan bili-ngala.

Matius 20:1

Hidi nam Yesus tui noan, “Ama Lamtua Allah in kil prenta ka, banansila el kleta nia: muik klaap anggor lamtua mes puti oskaong bii, diuk eneng, le laok nuting atuli halin maa daek se un klaap anggor ra.

Matius 22:2

“Ama Lamtua Allah in kil bandu ka, banansila el lahi mesa, man tao fesat in sapa bel un ana biklobe la.

Matius 25:7

Ming ela kon, tana-bihaat nas hangus leo-leo. Hidim oen lakos mana oen hadut tas.

Matius 3:2

Un tekas noan, “Kaka-pail in namnau me! Mi totoang musti hao' nol nang soleng mi in kula-sala ngas, le pait muid Ama Lamtua Allah tia. Ta halas ni totoang atuli li boel in taam le daid Ama Lamtua Allah atulin son.”

Matius 5:16

Mi in nuli ka kon musti langa ela, le halin atuil tenga las net mi in nuil babanan na. Eta oen net mi in nuil ela ka lam, mam oen naka Ama Lamtua Allah noan, ‘Wuii! Mi Aman in ne sorga ku, muun isi ko!’ ”

Matius 9:15

Mo Yesus situs nini kleta noan, “Elia: eta muik fesat in sapa kam, haep pas telang lo, mo oen kaa le didiin silis. Eta biklobeng in sapa ka muik nabael se la kam, taon elola ko oen totoang kaa leo-leo. Mo eta oe mes le, atuil didang maa daek lai-niin una, le un tapan nas haup in susa, halas-sam oen telang.

Yuhanis 3:29

Naleta el, bikloeb in mana le sapa ki niam mo muik un bihatan. Mo un tapa man in dil nol una ka, dalen kolo isi nikit un ming biklobeng in mana le sapa na fala ka. Yesus nam banansila el biklobeng in le sapa ka. Nol auk niam tuladang el Un saksin man aa deng Una. Undeng na, le auk daleng kolo isi.

Dehet deng Aan in Nutus sas 20:8

Kaim nakbua se uma mes hnoden tilu la dapa. Duman na, oen hoet hadut mamo kose.

Korintus mesa la 11:2

Auk naka mia, lole taom mi nangan net auk tutungus. Nol totoang dais man auk in tui mia ngas, mi daek mudis nabale. Na banan isi!

Korintus dua la 11:2

Auk banansila el mi aman na. Mi banansila el auk anang bihata man atuli in neleng son na. In banansila el atuling in neleng mia ka, Kristus. Hidim auk le doh mi babanan, halin mam mi saap nol mi bikloben na lam, mi niu nabale. Tiata, auk doh mi babanan le halin muik atuli in poe-pet mia deken, nol tao didaan mi in parsai ka deken.

Timutius dua la 4:8

Halas ni suma liis dasi mes sii, man auk nata-natang. Na piala man kit Lamtuan na in pesang son, le taung in bel totoang atuil man nuil lolo ngas. Kit Lamtuan na, atuil hlala man lolo. Un na mo ngele halin lo. Eta lius un oras sa lam, Un sao bel auk piaal in nala ka. Mo suma auk siing lo. Ta totoang atuil in namnau Una, nol nata-natang Un in pait maa ngas, kon haup piala!

Titus 2:13

Halas ni, kit natang-natang Yesus Kristus in pait maa nol Un in loe-liliman na! Na man daid hangun taung kit totoang. Un na mo kit Lamtuan in muun dui hihidi, man bel boa-blingin kit son na.

Apan-kloma Hnika Balu 14:4

Oen nuli ka niu, banansila el atuil usin man len-langan net nol bihaat lo bii ka. Oen mudi-muid Lae-blai Ana na le laok elol tukun, lole Ama Lamtua baen nutus oen son, nini Un Ana ka dala ka, le halin nam oen daid Un nenans. Undeng na le, oen niam banansila el sa-saa isin hmunan, man atuli nui-nolen deng klapa la, le kil nolan laok bel Ama Lamtua nol Lae-blai Ana ka.

Apan-kloma Hnika Balu 19:7

Halas ni, kit dalen nias kolo son. Nol kit dalen nias kolo dudui pait. Kit naka-naka Una, undeng Lae-blai Ana ka leol in sapa ka maa lius son. Kit nikit sakeng Un ngala ka lapa-lapa, undeng Lae-blai Ana ka sapa ka lohas hidi son.

Apan-kloma Hnika Balu 21:2

Hidim auk ngat net Ama Lamtua kota niu ka, na Yerusalem Balu, man niu maa deng sorga. Kota na lohas hidi son, tuladang el sapa-bihatan man laok sodo-sium un sapa-bikloben na ka.

Apan-kloma Hnika Balu 21:9

Kon auk ngat net at mes deng ima-ii at iut man in deng sorga, man hmunan nu kil bokor in nisi Ama Lamtua in komali ngas. Un maa tutnaal au, hidim un tek noan, “Maa se ni le! Ta auk le tulu bel ku sapa-bihatan man le saap nol Lae-blai Ana ka ka.”

Apan-kloma Hnika Balu 4:5

Muik bisain kaloe puit deng del in prenta man se hlala ka ka, nol lelat ulan nas dukun tene le tupang apa. Obor iut kon kaloe se del in prenta ka in salo ka, banansila el Ama Lamtua Koo in muik hngasa itu ka.

Apan-kloma Hnika Balu 8:10

Oras ima-ii nomer tilu la huu un klingu la, kon duun tene mes el obor tene in kaloe ka, nahi deng apan nua. Duun na ngala, ‘Mali'’. Nikit un nahi kon, ui se palun na ngas, nol ui mata ngas daid mali'. Hidim atuil in niun ui na ngas, maet mamo. Eta kit bating palun nas nol ui mata in se apan-kloma kia ngas daid op tilu lam, in daid mali' ka op mesa.