Matius 24:27 - Buk Niu In Hida Balu nol Dehet deng Apan-kloma ki in Dadi ka

²⁷ Ta Auk niam, Atuling Baktetebes sa. Eta mam Auk pait maang se apan-kloma kia lam, atuli li totoang net Au, banansila el atuli net bisain in kaloe, deng halin leol-saken lako pes leol-denen na.

Matius 24:27 ပူးပေါင်းရင်းမြစ်များ

Matius 16:27

Auk tek mi dais nias totoang, undeng Auk niam, Atuling Baktetebes sa. Mam Auk niu pait maang nini Auk Amang ngu in loe-liliman na, leo-leo nol Un ima-ii las deng sorga. Se dedeng na lam, Auk balas atuli li totoang muid asa man oen in dake ngas.

Matius 16:28

Nangan babanan ne! Deng mi nias totoang, mam muik atuli at ila lo man mates lo, didiin oen ngat net Au, Atuling Baktetebes sia, daid Lahi, le kil prenta.”

Matius 24:26

Eta atuli tek mi noan, ‘Kristus muik ne epe nua!’ Lam mi laok se nu deken. Nol eta muik in tek noan, ‘Kristus mo um ni dale nian!’ Lam mi parsai nol oen in nole-lilung na deken.

Matius 24:3

Hidim Yesus lako daad se leten Saitun nua. Kon Un ima-ii las siis lakos le aa nolan noan, “Papa! Olan tek ulang apin Paap in aa deng, Um in Kohe-kanas sa in lea ka le. Nataka le Paap in pait maa ki blinga la? Nol un tada-tada las elola la? Hidim elol kon nol leol kiamat tia la?”

Matius 24:37

Ta Auk niam, Atuling Baktetebes sa. Mam eta Auk pait maang ngam, oras na banansila el hmunan nu Noh in nuli nabale ka.

Matius 24:39

Mo nikit ui la baa maa le kokon lail-niin one, halas-sam oen matan nas holsai, le taan asa man in daid son na. Ela kon nol Auk in maa kia.

Matius 24:44

Undeng na, mi musti doha-doha. Ta Auk in pait maa ki nahkekekan tukun!”

Matius 8:20

Mo Yesus situn noan, “Banan kon! Mo nangan elia. Totoang atuli li nol hmukit tias, muik oen maan in dili-dada esa. Ngot huin pait lako un bolo. Kee-tilu pait lako un hno. Mo Au, Atuling Baktetebes sia, muik uma esa le pait lakong se lang lo. Maan in tian bon kon, muik lo.”

Yakobus 5:8

Mi kon musti keeh ela. Tao teken mi apan nas, ta nesang lo ka kam, Ama Lamtua pait maa son na!

Petrus dua la 3:4

Oen aa noan, “Saah lo! Yesus hid noan, Un le pait maa ke? Eta ela lam, Un ne ola ka? Ta ninin deng kit upu kia-kaon in maet son nuas, maa lius halas ni kon, muik in kisa lo. Totoang daid napiut ela, kilan deng Ama Lamtua in daek apan-dapa kua nol apan-kloma kia ka.”