Matius 24:25 - Buk Niu In Hida Balu nol Dehet deng Apan-kloma ki in Dadi ka

²⁵ Tiata mi musti doha-tiud apan babanan ne! Ta lelo-leol in susa ngas maas lius bii, mo Auk tek nuting mi meman son!

Matius 24:25 ပူးပေါင်းရင်းမြစ်များ

Matius 10:16

“Nangan ne! Ta Auk in nutus mia ni, banansila el Auk nutus lae-blai lako se ngot huin in daat isi ngas hlala. Undeng na le mi musti pake kutan, banansila el ula in nuting taan lalan na, nol mi dalen nas musti niu, banansila el korkifi ka in nuli nol babanan na.

Matius 24:24

Ta mam muik atuli puit le teh kalas noan, ‘Auk niam Kristus!’ Nol tenga las pait tek noan, ‘Auk niam Ama Lamtua Allah mee-baha.’ Mam oen tao taad herang bili-ngala pake uikjale kas in kuasa, le nole-lilung atuli. Oen soba-naan le halin Ama Lamtua atulin nas kon tom in nole-lilung!

Matius 24:26

Eta atuli tek mi noan, ‘Kristus muik ne epe nua!’ Lam mi laok se nu deken. Nol eta muik in tek noan, ‘Kristus mo um ni dale nian!’ Lam mi parsai nol oen in nole-lilung na deken.

Lukas 21:13

Mo mi musti nini oras na, le tek beles Auk Dehet Dais Banan na.

Yuhanis 16:1

Auk tek dais nias son bel mia, le halin nam, mi hoen apan deng Auk deken.

Korintus dua la 13:2

Dedeng auk tiang lalis dua se mia la ka, auk tek nuting atuil in nuil dadaat tas son. Halas nia, auk tek nuting oen pait, leo-leo nol totoang atuil didang man in nuil dadaat tas. Banansila el hmunan nu auk tek nuting oen noan, mam eta auk daid in tia kam, auk nang oen lo.