Matius 24:15 - Buk Niu In Hida Balu nol Dehet deng Apan-kloma ki in Dadi ka

¹⁵ Yesus aa napiut noan, “Ama Lamtua Allah mee-baah Danial dul deng atuli mes daat isi. Mam Un maa tama lako dil se maan in luli, deng Ama Lamtua Allah Um in Kohe-kanas Tene ka. Nini ela lam, un tao hmomos maan na le atuli nikis. Tiata Ama Lamtua Allah bali kudi le nang soleng maan na. Eta mi net ela son nam, doha-doha lo! (Asii man les in dula nia lam, un musti nangan tanan babanan).

Matius 24:15 ပူးပေါင်းရင်းမြစ်များ

Matius 24:16

Ta na daid tada noan, lelo-leol in susa ngas muik ne sila-mata lu son. Eta net ela son nam, atuil in ne propinsi Yudea ngas lalim lakom leten nuas tia.

Markus 13:14

Yesus aa napiut noan, “Mam atuling in daat isi mes le maa. Un boel dil se maan in luli deng Ama Lamtua Allah Um in Kohe-kanas Tene ka lo, mo un lako dil se la, didiin tao hmomos maan na. Tiata Ama Lamtua Allah bali kudi nang soleng maan na. Eta mi ngat net ela son nam, doha-doha loo! (Asii man les nia lam, un kon musti doha-doha!) Ni daid tada noan, lelo-leol in susa ngas maas dadani son. Etan net ela son nam, atuil in ne propinsi Yudea ngas haung lalim lakom leten nuas tia.

Lukas 19:43

Mam mi musu las boa dale pukiu kota la tembok ka, hidim oen tamas keng nol mia.

Lukas 21:20

Lamtua Yesus aa taplaeng pait noan, “Eta mi net tentara musu las pukiu nal kota Yerusalem son nam, mi taan son noan, un le dudus son na.

Yuhanis 11:48

Ta eta kit nang Un ela tuun nam, mam atuli li totoang nahlae se Una, banansila el Un nam mo, oen Lahin. Nini ela lam, mam tentara deng pamarenta Roma las, maas le tao dudus kit Um in Kohe-kanas Tene kia, nol tao dudus-didaa kit bangsa lia.”

Dehet deng Aan in Nutus sas 6:13

Oen kat saksi dadahut le aa in tapa-bele deng Stefanus noan, “Atuling ni aa dadaat saol Um in Kohe-kanas Tene ka tutungus. Nol un kon aa le tao didaan Ama Lamtua Allah prenta, man Un belen son se upung Musa taung kita ka.

Ibrani 2:1

Undeng na, kit musti kil dididi asa man kit in ming son deng Ama Lamtua Allah Ana ka ka, le halin nam kit nadidingun deken.

Apan-kloma Hnika Balu 1:3

Ulat bating asii tukun man les in dulang nias didiin atuil didang kon ming hapu. Nol atuil man hii-ming in dulang nias isin nas le lako-daek mudis sas kon, ulat. Ta un dedeng nga, mana le maa lius son.

Apan-kloma Hnika Balu 3:22

Hii babanan asa man Ama Lamtua Koo la in tek Un jemaat ta ngas.’ ”