Matius 23:5 - Buk Niu In Hida Balu nol Dehet deng Apan-kloma ki in Dadi ka

⁵ Totoang man oen in dake ngas, oen daek le halin nam atuli li naka-naka one. Tuladang el: taom oen but buk ana mes man dul Ama Lamtua Allah in Teka-teka dehe, se oen bon nas, nol iman nas. Mo oen tao oen nena las tene dui pait, le halin atuli las naka-naka oen noan, ‘Wui, oen nam atuil niu koo!’

Matius 23:5 ပူးပေါင်းရင်းမြစ်များ

Matius 9:20

Se lalan hlala kam, muik bihata mesa, laok muid Yesus dadani deng klupu ka. Un in net bulan na tene taan lo, taun hngul dua son. Un nangan se un dalen na noan, “Sadi auk kapas tom Yesus kado la tuun kon, taon elola ko auk banan.” Tiata un laok kapas Yesus kado la mumu ka.

Lukas 16:15

Mo Yesus siut noan, “Hoe! Mi tao niu apan nas se atuli li sila, mo elol kon Ama Lamtua Allah taan mi dalen in hmomos sa. Muik dasi mamo man atuli nikit lapa-lapa, molota Ama Lamtua Allah ngat dais nas sam hmomos, nol Un nikis one.

Lukas 20:47

Mo doha-doha, ta oen taan in nole-lilung bebalu kas le nuhu-dau nal oen uma las. Mo se atuil hut mamo sila kam, oen buba kele oen in daat tas nini in dil kohe-kanas nesa-nesang. Oen in koma ka le atuli aa noan, oen nam atuil in parsai. Mo Ama Lamtua taan oen in kula ka, tiata mam Un beles hukung ngele dui.”

Yuhanis 12:43

Undeng atuil Farisi las nol atuil Yahudi las tene-tenen deeh in koma ka le, haup in naka deng atuli lia, mo deng Ama Lamtua Allah lo.

Yuhanis 5:44

Mi mesa-mesam kom in naka apan. Mo taan le Ama Lamtua Allah naka mia tam lo kam, mi tiu-hii lo. Molota Un nam mo Ama Lamtua! Muik didang pait lo. Tiata eta mi toe muid Un lo kam, taon elola le mi haup in parsai Una kia?

Yuhanis 7:18

Ta atuil in suma aa nini un in kuasa ka esa tuun na, un suma kom in nuting ngala tukun. Mo atuil in le nikit atuling in nutus una ka ngaal banan na, taon elola ko un aa nahlolo. Nol muik in nole-lilung lo.

Filipi 1:15

Se ni muik atuli tuladang dua, man makoe in tui deng Kristus. Muik in daek nol dalen lolo-lolo nol muik in daek nol dalen lolo lo. In daek nol dalen lolo ngas, oen dalen nas banan nol au. Oen taan baktetebes noan, auk lepa-haal auk in susa nia, undeng auk lako-daek auk osa la, nol hoen-nodat bubuit lo kon. Mo in daek nol dalen lolo lo ngas, idus apa, nol nuting ngala. Oen tao bakisan atuil in parsai ngas, le sadi muik atuli in muid one. Ta oen nuting lalan le nikit-nikit apan nas noan, oen nam banan dui deng au. Oen bali le, eta muik atuli in muid one kam, na man tao ngele taplaeng auk in sus se bui ni dalen nia.

Filipi 2:3

Daek sa-saa man suma nuting taung apan sii tuun deken. Nol nataka apan nas le banan dui deng atuil tenga las deken. Ta ku in koaok na muik peke lo. Molam kit musti tao dalen deng dadale, le nataka atuil tenga las banan dui deng kita.

Tesalonika dua la 2:4

Un tao apa ka lapa dui deng dewa las totoang, nol labang totoang asa man atuli li in todan-lahing ngas. Un kon tama lako se Ama Lamtua Um in Kohe-kanas Tene ka, hidim tulu-balang apa ka noan, “Auk niam, Ama Lamtua!”