Matius 23:34 - Buk Niu In Hida Balu nol Dehet deng Apan-kloma ki in Dadi ka

³⁴ Hii ke! Mam Auk tunang bel mi Auk atulin in nutus sas, le oen tui mia, nol tulu bel mi Ama Lamtua lalan in nuil toma ka. Mo mam mi keo tenga, nol pauk tele teng se kai faang-kalen dapas. Tenga las mi diku-puang se uma-um in kohe-kanas sas dalen. Nol teng pait mi nulut soleng, didiin oen lalis deng kota mesa, lakos kota didang.

Matius 23:34 ပူးပေါင်းရင်းမြစ်များ

Matius 10:23

Eta atuli tao mi dadaat se kota mesa lam, lail lakom se kota didang. Auk in tek mia ni toma, mam mi laok papmes totoang kota in se Israel lias lo bii, mo Au, Atuling Baktetebes ni, pait maang son.

Matius 13:52

Kon nam Yesus siut balis noan, “Banan! Ta guru agama man in tui baktetebes deng Ama Lamtua in Teka-teka, man dulas meman son deng hmunan nua ka, hidim kil dididi asa man Auk in tui hahalas nia ngas, banansila el um lamtua man kom in sai un maan in pesang hmuki-nalan nas, le tulu-balang un hmuki-nalan blaan nas, leo-leo nol un hmuki-nalan balu kas.”

Matius 23:31

Nini ela lam, mi esan tek puting mi dais in buni ngas noan, mi niam atuil daat, banansila el mi upu kia-kaon nas kon.

Lukas 24:47

Tiata halas ni Auk bel mi kuasa, le kil Dehet Dais Banan ni bel totoang bangsa-bangsa lias, mulai deng Yerusalem. Tek oen noan, atuil in hao un in kula-sala ngas, le pait lako el Ama Lamtua ka, mam Ama Lamtua kose soleng un in kula-sala ngas totoang.

Yuhanis 16:2

Mam atuil Yahudi las nulut soleng mi deng oen um in kohe-kanas sas. Suma na sii lo, ta mam muik oras, le atuli keo tele mia lam, oen nangan noan, oen daek banan taung Ama Lamtua Allah na.

Yuhanis 20:21

Yesus tek oen noan, “Nang le halin mi dalen nas titu-tema nol tetesa. Nangan, ta Auk Amang ngu nutus Auk elola lam, Auk nutus mi ela kon.”

Dehet deng Aan in Nutus sas 1:8

Mo mam etan Ama Lamtua Allah Koo Niu ka maa tama se mi son, halas-sam mi haup kuasa. Hidi kam mi musti laok tek atuli las totoang deng Au. Tek atuil in se kota Yerusalem nol totoang ingu-iung in se propinsi Yudea, nol propinsi Samaria, napiut lako lius se apan-kloma ki suut-suut tas.”

Dehet deng Aan in Nutus sas 11:27

Dedeng oen duas biis nabael se kota Antiokias sam, atuli at ila lo maas deng kota Yerusalem. Taom Ama Lamtua pake atuil nas le daid Un mee-baha.

Dehet deng Aan in Nutus sas 12:2

Un prenta atuil le laok keo tele Yakobus nini suli. Yakobus na mo, Yuhanis kaka ka.

Dehet deng Aan in Nutus sas 13:1

Se kota Antiokia, muik atuli mamo parsai se Lamtua Yesus son. Muik atuli deeh man Ama Lamtua Allah pakes le daid Un mee-baha, nol muik atuli deeh pait man Un pakes le tui-tikang atuli las. Atuil nas ngalan nas elia: Barnabas, Simeon, man atuli las taom haman noan ‘Aap Mitang’, Lukius deng kota Kirene, Menahem, man oen papa-piaran deng ana blutu bii ku leo-leo nol lahing Herodes sa, nol Saulus.

Dehet deng Aan in Nutus sas 14:19

Dedeng na, muik atuil Yahudi at ila lo, man maas deng kota Antiokia nol kota Ikonium. Oen hode-lokot atuil hut mamo kas le halin tao muid one, le labang nol Ama Lamtua atulin in nutus nas. Ta oen pasang Paulus nini batu. Kon nam oen bali le un mate son, ta oen pel nolan le laok soleng se kota la likun na.

Dehet deng Aan in Nutus sas 15:32

Yudas nol Silas nam kon, Ama Lamtua mee-baha. Oen duas nahdeh mamo nol atuil in parsai se kota na ngas. Oen tui-teka nol tao tes atuil nas dalen nas.

Dehet deng Aan in Nutus sas 5:40

Hidi na kon, oen haman tamang aan in nutus sas, hidim oen lok atuli las le diku-puang one. Halas-sam oen kaing, le boel dehet pait deng Yesus ngala ka lo ka. Hidi halas-sam, oen sao soleng aan in nutus nas.

Korintus mesa la 2:6

Ela kon no, kaim tui atuil in parsai ka didi son nas sam, kaim tuis nini in teka-teka man tom nol kit in nangan. Mo tom nol atuil apan-kloma ki in nangan lo, nol muid asa man atuil in kil prenta ngas, in kom le tui halas nia ngas lo. Ta nas mam ilang.

Korintus mesa la 3:10

Ama Lamtua tulu Un dalen banan na bel auk son. Undeng na le, auk banansila el tulu deng atuil in daek uma ngas. Hidim Ama Lamtua tulung auk le tui mi deng dasi-dais peke ngas muna, le halin bangun-pii netes in kuat se mi in nuli ka. Hidi halas-sam atuil didang kon tui mia, le oen bangun-pii tapnaeng se netes man auk in daek son na. Molam atuil nias totoang musti daek babanan, le bangun-pii kam toma.

Kolose 1:28

Tiata, kaim tek atuli li totoang deng Kristus. Kaim tui nol tek nuting totoang atuli li, nini totoang in tana man Ama Lamtua Allah in bel kami ka. Kaim tao ela, le halin tao kuat-tes taplaeng atuil in parsai Kristus sas, le mam oen dil nal se Un sila ka nol in mae lo, lole oen in nuli ka lolo tutungus.

Tesalonika mesa la 2:16

Tapnaeng pait, oen daek tukan-palan bili-ngala le halin nam kaim boel kil Ama Lamtua Dehet Dais Banan na, bel atuil deng bangsa didang lo. Atuil Yahudi las nam kom Ama Lamtua in bel boa-blingin atuil didang lo. Nini ela lam, oen tao oen in kula-sala ngas le unus tene taplaeng. Undeng na, Ama Lamtua Allah koon-mali, le hukung one.

Ibrani 11:37

Muik in mate, undeng tom in pasang nini batu. Muik in mate, undeng atuli holat bating oen apan nas. Muik in mate, undeng tom in dait tele nini suli. Muik in nuil kasiang le suma pake kai-baut deng hmukit bulang, undeng atuli diku-puang nol tao sus one, didiin nulut soleng one,

Apan-kloma Hnika Balu 11:10

undeng oen dalen kolo in tinang atuil at dua nas in mate ka. Lole taom oen duas man tao didaa totoang atuil in se apan-kloma ki ngias in nangan na. Tiata oen leo-leo tao fesat, le tunang bel apa sa-saa.