Matius 23:17 - Buk Niu In Hida Balu nol Dehet deng Apan-kloma ki in Dadi ka

¹⁷ Mi niam atuil ngengo, man taan saa lo! Mi bali noan, Ama Lamtua nangan lil-mea kas muun dui deng, Un Um in Kohe-kanas Tene ka le? Loo! Ta Um na, man tao lil-mea nas le daid niu!

Matius 23:17 ပူးပေါင်းရင်းမြစ်များ

Matius 23:18

Mi kon tui dadahut noan, ‘Eta atuli nikit in hida, le sumpa nini mija in tunu-dadung man ne Um in Kohe-kanas Tene ka ka lam, atuling na butu-kil nol un in hida na lo. Mo eta un nikit in hida le sumpa nini hmukit in tunu-dadung, man in ne mija la dapa ka, halas-sam un butu-kil nol in hida na.’

Matius 23:19

Mi kutan nas tema baktetebes. Taon elola ko mija in tunu-dadung nga, muun dui deng, hmukit in tunu-dadung nga. Ta undeng mija na, le atuli li haup in tunu-dadung bel Ama Lamtua Allah.

Ibrani 2:11

Taon elola ko Ama Lamtua sium nol banan atuil man Lamtua Yesus in taos le daid niu son nas, halin daid Un anan. Ama Lamtua Allah nam, Yesus Ama. Tiata Yesus nol oen nam Aman mesa. Undeng na le Yesus mae lo, le haman oen noan, “Mi nia mo, Auk pail-kakang.”