Matius 22:44 - Buk Niu In Hida Balu nol Dehet deng Apan-kloma ki in Dadi ka

⁴⁴ ‘Ama Lamtua Allah tek auk Tuang nga noan, “Maa, le daad se maan in todan-lahing dui kia, se Auk halin kanan nia. Ta mam Auk tao ku musu las, didiin oen suda le todan se Ku sii.” ’

Matius 22:44 ပူးပေါင်းရင်းမြစ်များ

Dehet deng Apan-kloma ki in Dadi ka 3:15

Auk tao ku nol bihatang ni le mi komali nol apa tutungus. Nol mi duam in hua-koet tas kon ela. Mam ku in hua-koet tas sau atuli li se oen iin baih ngungun nas. Mo mam un in hua-koet tas mes, tutu dudus ku bom ma.”

Matius 22:45

Deng in dula na lam kit tana noan, laih Daud esa man haman Kristus noan, ‘Tuang’. Tiata eta atuli li tek noan, Kristus nam suma laih Daud in hua-koet tuun nam, nol lo bii! Undeng Un kon nam laih Daud Tuang!”

Matius 26:64

Kon Yesus siut noan, “Meman ama in aa ka toma. Mo nangan ne! Ta mam mi totoang ngat net Au, Atuling Baktetebes nia. Mam Auk daad se sorgang, se Ama Lamtua Allah, man muik kuasa muun dudui ka halin kanan na, le kil prenta leo-leo nol Una. Hidim, mam Auk niu pait maang se nopen daleng.”

Markus 16:19

Aa hidi nol Un ima-ii las ela kon, Ama Lamtua Allah nikit sakeng Yesus lako sorga. Se na Yesus daad se Ama Lamtua Allah halin kanan na, le Oen duas kil bandu leo-leo.

Lukas 19:27

Tiata nol nia, mi laok daek auk musu man in kom auk le daid laih lo ngas. Nolas maas se nia, le keo oen totoang se auk silang ngia. Laok tia!’ ”

Yuhanis 20:28

Tomas siut noan, “Idaah Papa! Halas-sam auk parsai baktetebes! Paap niam mo auk Tuang, nol auk Lamtua Allahn!”

Korintus mesa la 1:2

Auk dul surat ni bel mia, man daid Ama Lamtua Allah atulin in parsai se kota Korintus. Un huil nal mi son, le daid Un atulin in niu, undeng mi parsai se Yesus Kristus son. Un kon tao mi le daid niu banansila el totoang atuil in parsai tenga las. Ta oen kon nodan tulung son, se kit Lamtuan Yesus Kristus, man Ama Lamtua Allah hid meman son, lolo hmunan nua, le belen maa ka. Hidim Un daid Lamtua, taung kit nol one.

Korintus mesa la 15:25

Ta Kristus musti kil prenta didiin Ama Lamtua Allah tao tehen totoang in labang nol Kristus sas, le oen todan se Una.

Ibrani 1:13

Ama Lamtua Allah kon aa nol Un Ana ka, noan, “Auk Anang nge! Maa daad se nia, se maan in todan dudui kia, se Auk halin kanan nia. Mam Auk tao Ku musu las, didiin oen suda le muid se Ku.” Ama Lamtua Allah aa ela meman son deng Un Ana ka, mo Un aa net ela lo, nol Un ima-ii in ne sorga nguas.

Ibrani 1:3

Ama Lamtua Ana ka tulu Un Ama ka in muun-tes sa, banansila el lelo la kaloen na in tal pait deng hdidan na ka. Ta Un nam hnika mes parsis el Un Ama ka. Nol deng Un in Teka-teka man muik uhu isi ka, Un lako-daek totoang in ne apan-dapa kua nol apan-kloma kia ngas. Un kon sai lalan, le kose soleng atuli in kula-sala ngas, le halin oen daid niu. Hidim Un pait lako sorga, le daad se Ama Lamtua Allah halin kanan na, se maan in todan-lahing dudui ka.

Ibrani 12:2

Nol kit kon musti lali lam, ngat kliu-kanan deken, mo ngat se Lamtua Yesus sii. Ta Un man sai lalan le kit haup in parsai se Ama Lamtua Allah. Nol mam Un man tulung le kit parsai ka daid inu. Nangan net Yesus in susa-daat se kai sangsuli lua ka, tam lo ka? Atuli las bilu-aa Una, mo Un tahang napiut. Lole Un tana noan, eta Un in haup susa-daat ta hidi son nam, mam un dalen kolo lolen. Na toma. Ta Un mate, hidim Ama Lamtua Allah nikit Un le daad se Ama Lamtua halin kanan na, le Oen duas prenta leo-leo.

Apan-kloma Hnika Balu 19:19

Hidi nam, auk net hmukit in tao tele dadahut man hmunan nu puti deng tasi ka ka. Un lako koo mes nol totoang lahi-laih in se dale-dapa ki ngias, nol oen tentara las. Hidim oen lakos hote-dait labang nol Atuling man daad se ahloet muti dapa ka, leo-leo nol Un tentara in deng sorga ngas.