Matius 22:42 - Buk Niu In Hida Balu nol Dehet deng Apan-kloma ki in Dadi ka

⁴² “Deng lolo hmunan nu Ama Lamtua Allah hid son le tunang Kristus maa, halin bel boa-blingin Un atulin nas. Lam muid mi in nangan nam, Kristus na mo, asii in hua-koet ta?” Kon oen siut noan, “Un na mo, laih Daud in hua-koet.”

Matius 22:42 ပူးပေါင်းရင်းမြစ်များ

Matius 1:1

Buk ni dul deng Yesus Kristus, Atuling man Ama Lamtua Allah hidan meman son deng lolo hmunan nu le tunang maa ka. Un na mo, laih Daud nol upung Abraham in hua-koet. Kilan deng upung Abraham lako lius laih Daud tam, bata' hngul aat. Lamtua Yesus upu kia-kaon nas elia: Abraham hua Isak, Isak hua Yakob, Yakob hua Yahuda nol kaka-palin nas,

Matius 14:33

Net ela kon, Un ima-ii las naka-naka Un noan, “Wuih! Paap niam meman baktetebes Ama Lamtua Allah Ana!”

Matius 21:9

Muik atuli teng pait lakos muna Yesus se hmunan, nol tenga las pait muid deng klupu. Le oen leo-leo nakaa kleba-kleba noan, “Hosana! Kaim naka-naka Ama Lamtua Allah! Undeng Daud in hua-koet ta maa lius son! Hosana! Kaim naka-naka Ama Lamtua Allah! Undeng Ama Lamtua nutus Atuling ni le maa son. Hosana! Kaim naka-naka Ama Lamtua Allah! Man daad le kil bandu meman son, ne apan man lapa dudui kua!”

Matius 22:43

Yesus keket tapnaeng pait noan, “Eta ela lam, tasao le Ama Lamtua Allah Koo Niu ka, tek laih Daud halin haman Kristus sam, ‘Tuang’ ngia? Ta laih Daud dul son elia,

Matius 9:27

Hidi na kon Yesus lako napiut. Se lalan hlala kam, muik atuil tedo at dua muid Una. Oen haman mumuun le tek noan, “Laih Daud in hua-koet te! Kasiang kaim tia!”

Yuhanis 1:49

Kon Natanel hao noan, “Tuang Guru niam taon elola ko, Ama Lamtua Allah, Ana! Nol Tuang kon taon elola ko, kaim atuil Israel li Lahin!”

Yuhanis 20:28

Tomas siut noan, “Idaah Papa! Halas-sam auk parsai baktetebes! Paap niam mo auk Tuang, nol auk Lamtua Allahn!”

Kolose 3:11

Se in nuil balu nia, lam kit boel aa tapa bel atuli deng aap-ina likun na deken noan, oen nam atuil Yahudi tam, atuil Yahudi lo; atuil in muid sunat tam, atuil in sunat lo; atuil in laok-maa tam, atuil in taan hadat lo; ata tam, ata lo. Nas man muun na lo! Mo in muun na ka, eta oen butu-kil nol Kristus, nol eta Un nuli ne oen dalen nas.