Matius 22:40 - Buk Niu In Hida Balu nol Dehet deng Apan-kloma ki in Dadi ka

⁴⁰ Peke deng totoang upung Musa atorang ngas, nol Ama Lamtua Allah mee-baha las in tui ngas, mo prenta dua nias. Etan atuli li muid nal prenta tene dua nias muna lo kam, oen muid nal prenta didang ngas lo.”

Matius 22:40 ပူးပေါင်းရင်းမြစ်များ

Matius 7:12

Eta ku kom le atuil didang daek banan saol ku lam, ku musti daek banan saol one. Undeng ni peke deng upung Musa nol Ama Lamtua Allah mee-baah tenga las in tui meman son deng lolo hmunan nua ka”

Yuhanis 1:17

Hmunan nu kit upun Musa, man niung Ama Lamtua Atorang ngas bel kit upu kia-kaon nas. Mo halas nia lam, Yesus Kristus uhu dui, undeng Un man tulu Ama Lamtua dalen banan na bel kita. Nol totoang man Un in tek deng Ama Lamtua Allah ngas, meman toma.

Roma 13:9

Ta Atorang nas tek noan, “Boel nong deken; keo atuil deken; naok deken; kom in haup atuil didang sa-saa deken,” nol in teka deeh pait. Eta le daek muid Atorang ngas sam, musti daek muid Atorang mes nia, man tek noan, “Ku musti namnau atuil didang, banansila el ku in namnau ku apam ma esa ka.”

Galatia 5:14

Ne Ama Lamtua in Dula Niu ka dul noan, “Ku musti namnau atuil didang, banansila el ku in namnau ku apam ma esa ka.” Eta mi suma tao muid atorang mes ni tuun nam, mi daek muid atuil Yahudi las atorang nga in koma ka totoang son.

Timutius mesa la 1:5

Auk tui-tek ku elia, le halin nam ku tui atuil in parsai ngas, le oen nuil nol in neka-namnau apa nini dael niu, in nangan lolo, nol deng in parsai baktetebes.

Yakobus 2:8

Toma, eta mi daek muid Ama Lamtua atorang in muun dudui ka, man tek noan, “Ku musti namnau atuil didang, banansila el ku in namnau ku apam ma esa ka.” Atorang na dulan ne Ama Lamtua Allah Buk Niu ka.