Matius 22:3 - Buk Niu In Hida Balu nol Dehet deng Apan-kloma ki in Dadi ka

³ Mana hidi fesat ta kon, un tadu un ata kas le laok tek atuil in haup haep pas noan, ‘Maa tia, ta fesat tu mulai son.’ Mo atuil nas dai laok muid fesat ta lo.

Matius 22:3 ပူးပေါင်းရင်းမြစ်များ

Matius 21:34

Lius oras in nui-noel anggor isin kon, klaap lamtua ka tadu un ima-ii las laok nodan un nena las, se atuil in seb klapa la ngas.

Matius 23:37

“Hoe, atuil Yerusalem me! Mi keo tele Ama Lamtua Allah mee-baha las tutungus, nol pasang tele atuil in nutus, man noan, maa le tulung mia ngas. Auk hanet mi oe-oe son le maa bus Au, banansila el manu ina man le kabut un anan nas se un dila ka dalen na. Mo mi dai tao lo.

Matius 3:2

Un tekas noan, “Kaka-pail in namnau me! Mi totoang musti hao' nol nang soleng mi in kula-sala ngas, le pait muid Ama Lamtua Allah tia. Ta halas ni totoang atuli li boel in taam le daid Ama Lamtua Allah atulin son.”

Matius 9:15

Mo Yesus situs nini kleta noan, “Elia: eta muik fesat in sapa kam, haep pas telang lo, mo oen kaa le didiin silis. Eta biklobeng in sapa ka muik nabael se la kam, taon elola ko oen totoang kaa leo-leo. Mo eta oe mes le, atuil didang maa daek lai-niin una, le un tapan nas haup in susa, halas-sam oen telang.

Lukas 13:34

Idaah, atuil Yerusalem me! Mi man keo tele Ama Lamtua Allah mee-baha las tutungus, nol pasang tele atuil in nutus man maa le tulu lalan bel mia ngas. Auk le tao nakbuan mia nol doh mi oe-oe son, le kele-keba mi deng in daat tas, banansila el manu ina man le kabut un anan nas, se un dila ka dalen na. Mo mi dai tao lo.

Lukas 15:28

Ming ela kon ana hmunan na komali. Un dai taam laok uma dael lo. Kon un ama ka laok hanet le noan nol tamang lako uma dale.

Lukas 19:27

Tiata nol nia, mi laok daek auk musu man in kom auk le daid laih lo ngas. Nolas maas se nia, le keo oen totoang se auk silang ngia. Laok tia!’ ”

Yuhanis 5:40

Mo mi dai maa bus Auk le tamam daid Auk atulin, halin nam mi haup nal in nuil toma man hidi nutus taan lo ka lo.

Dehet deng Aan in Nutus sas 13:45

Mo nikit atuil Yahudi las ngat net atuil hut mamo nas maas nakbua, le hii Paulus in nahdehe ka kon, oen idus isi. Tiata nikit Paulus nahdeh kon, oen labang una nol aa le kiu nahu una.

Roma 10:21

Mo deng atuil Israel las, Ama Lamtua tek son elia: “Duman-lelom, Auk tod ima ngias duas, le nata-natang atuil Israel las in maa se Au lia. Mo oen dai maa le hii-ming se Auk lo, nol oen kon labang nol Auk tutungus.”

Ibrani 12:25

Tidi hngilan babanan le hii-ming asa man Ama Lamtua Allah in le dehet bel mia ki. Tao el kit upu kia-kaon nas deken, man hutun soleng upung Musa in teka ngas, se dedeng un daid Ama Lamtua Allah mee-baha se apan-kloma kia ka. Ta Ama Lamtua nahu bel oen hukung. Salolen nol kita la! Eta kit dai hii-ming Un in aa deng sorga ku lo kam, taon elola ko, Un bel kit hukung ngele dui pait.

Ibrani 9:15

Undeng Kristus dala ka uhu dudui, tiata Ama Lamtua Allah pake Una, le but in hida nol totoang atuil man Ama Lamtua Allah in haman son, le daid Un atulin nas. Ta dedeng Kristus mate le sui-nahat atuli lia ka, Un kon sui-nahat kit upu kia-kaon nas, deng kula-sala man oen in daek son se hmunan nua ngas, se dedeng Ama Lamtua Allah but in hida blaan na nol one ka. Undeng na, oen kon haup in nuli napiut nol Ama Lamtua Allah son.

Apan-kloma Hnika Balu 22:17

Ama Lamtua Allah Koo la nusi noan, “Maam se ni tia!” Bihatang in le sapa ka kon haman noan, “Maam se ni tia!” Totoang in ming ngas kon tek noan, “Maa tia!” Nang le asii man meen tuu kam, maa le niun tia! Asii man le niun ui man tao atuli li le nuli napiut ta, maa le katan tia! Atuli li boel kat ui na nol mosa-mosa. Atuli li boel niun ui na nol pake in baen lo.