Matius 22:24 - Buk Niu In Hida Balu nol Dehet deng Apan-kloma ki in Dadi ka

²⁴ “Paap Guru! Upung Musa dul pesang bel kit hadat ni son, noan: eta biklobe mes mate nang soleng un sapa ka, mo muik aan lo kam, biklobeng na palin na musti saap nol bebalung na, le halin nam hua-koet bel un kaka in maet son na.

Matius 22:24 ပူးပေါင်းရင်းမြစ်များ

Dehet deng Apan-kloma ki in Dadi ka 38:11

Nikit Yahuda net un anan nas duas in saap nol Tamar le mates sa kon, un lii. Un nangan noan, tamlom mo eta un ana hmudin Sela saap nol Tamar lolen nam, mam un mate kon na. Tiata un laok tek un nalen Tamar noan, “Auk anang. Banan dui ka, ku pait lako ku ina-amam muas tuun tia. Nang le eta auk anang Sela tene maa son, halas-sam ku pait maa le duam sapa.” Kon nam un nalen Tamar pait lako.

Dehet deng Apan-kloma ki in Dadi ka 38:8

Kon nam Yahuda tadu un ana nomer dua la noan, “Onan! Ku kakam ma mate son, mo muik ana lo. Tiata tao muid atuil blalan nas in nuil-nola kam, ku musti seda ku kakam ma, le saap nol un sapa ka. Le halin nam ku hua-koet aan bel ku kakam ma.”

Matius 22:16

Tiata oen tadu oen ima-ii las, leo-leo nol atuil deng Herodes partei la, le laok keket-ketan nol Yesus. Kon atuil nas naka-naka Un noan, “Paap Guru! Kaim tana noan Paap dalen na lolo. Paap nole-lilung taan lo, nol huil sila lo. Paap tui Ama Lamtua Allah in Teka-teka ngas nol in toma.

Matius 22:25

Meman hmunan nu upung Musa tui ela. Mo kaim le keket elia: muik biklobe at iut pali-kaka. Aan hmunan na sapa, hidi kon mate, mo muik ana lo. Kon un palin in muid una ka, saap seda bebalung na lolen.

Matius 22:36

“Paap Guru! Auk le ketan elia: kit hadat ti atorang ngas, nol agama la in prenta ngas mamon ana lo. Deng totoang prenta man upung Musa in bele ngas, ol man muun dudui la?”

Matius 7:21

“Mam muik atuli in haman Auk noan, ‘Tuang!’ Mo oen suma aa deng sulan likun nas tuun. Mam Ama Lamtua Allah in ne sorga ku, hutun soleng one. Ta suma atuil man muid baktetebes Un in koma ngas siis, man Un simus le daid Un atulin.

Markus 12:19

Oen tek Yesus noan, “Paap Guru! Upung Musa dul pesang bel kit hadat ni noan: eta muik biklobe mes mate nang soleng un sapa ka, mo muik ana lo kam, biklobeng na palin na musti saap nol bebalu na, le halin nam hua bel un kaka in maet son na.

Lukas 20:28

“Paap Guru! Upung Musa dul pesang bel kit atorang son noan: eta bikloeb ol man mate, mo muik aan lo kam, un palin na musti saap nol bebalung na lolen, le halin nam hua bel un kaka in maet son na, ana.

Lukas 20:33

Lam kaim in keket ti elia: Bihatang na saap nol biklobe at iut nas son. Tiata eta mam apan-kloma ki kiamat, hidim Ama Lamtua Allah bel atuil in mate ngas le nulis pait tam, bihatang na daid asii sapa ka?”

Lukas 6:46

Hidim Yesus tupang napiut noan, “Mi taan in haman Auk tutungus noan, ‘Tuang’. Mo tasao le mi dai muid Auk in aa ka lo kia?