Matius 22:18 - Buk Niu In Hida Balu nol Dehet deng Apan-kloma ki in Dadi ka

¹⁸ Mo Yesus tanas son noan oen kiu Una, le halin Un aa labang pamarenta Roma la. Kon Un siut noan, “Meman mi niam atuil in sila-klup tuun! Tasao le mi kiu nahu Auk nini dais na lia?

Matius 22:18 ပူးပေါင်းရင်းမြစ်များ

Matius 12:15

Mo Yesus taan oen in nangan dadaat ta, tiata Un lako maan didang. Atuli hut mamo muid Una, kon Un tao banan totoang atuil in ili ngas.

Matius 19:3

Muik atuil Farisi at ila lo, kon maas aa le noan kiu nahu Una. Oen keket Un noan, “Muid kit atorang agama lia lam, eta biklobe li saap son kon, un bisa dai sapa ka nini lalan saa tuun, tam elola la?”

Matius 22:17

Tiata kaim le keket dasi mesa. Muid kit atuil Yahudi li atorang agama la lam, kit musti baen bea bel pamarenta Roma la laih tuan na, tam lo ka?”

Matius 22:19

Olan balang bel Auk duit lil-muti mesa, man taom atuli las pake taung in baen bea!” Kon oen tulu belen duit lil-muti mesa.

Markus 12:5

Tiata klaap lamtua ka tadu un atulin in loka mes didang pait. Mo oen keo tele atuling na. Oen tao ela kon no, klaap lamtua ka taan in tunang un atulin in loka ngas tutungus le lako. Mo atuil in dake ngas, diuk-papas tenga las, nol keo tenga.

Markus 2:8

Mo Yesus taan oen in nangan ela ka, tiata Un tek noan, “Mi nangan ela deken!

Lukas 10:25

Oe mesan na, atuil in taan hukung Yahudi mes le noan kiu nahu Yesus. Ta un hangu dil le ketan noan, “Paap Guru! Tulung tek auk le! Auk musti tao elola, le halin auk haup in nuli napiut leo-leo nol Ama Lamtua se sorgang nga?”

Lukas 20:23

Mo Yesus taan oen in nangan daat le kiu nahu Una ka. Tiata Un siut noan,

Lukas 5:22

Mo Yesus taan oen dalen nas. Kon Un aa noan, “Tasao le mi nangan noan Auk in teka na bilu-aa kia?

Lukas 9:47

Mo Yesus taan oen in kaen apa na. Kon Un haman tana-ana blutu mesa, hidim tadu le dil se Un halin na.

Yuhanis 8:6

Oen kiu soba-naan Una, le halin tao nahu Una. Yesus situs meman lo, mo Un bubu le dul se dale ka nini Un hnanga ka.

Dehet deng Aan in Nutus sas 5:9

Mo Petrus tekan noan, “Taon elola le, ku nol ku sapam ma koo mes le soba-naan Ama Lamtua Koo Niu ka lia? Ku ngat tuun! Atuil in kil ku sapam ma le laok puan nas, pait maas son nuan. Suktotomas pait tam, oen kon dohang ku aap-sisim ma, le laok puan se ku sapam ma halin na.”

Apan-kloma Hnika Balu 2:23

Mam Auk keo tele bihatang daat na anan nas. Nini ela lam, mi totoang in parsai ngias, nangan tana noan, Auk taan atuli li dalen nas totoang. Nol mam Auk balas mi muid asa man mi in dake ngas.