Matius 21:43 - Buk Niu In Hida Balu nol Dehet deng Apan-kloma ki in Dadi ka

⁴³ Hidim Yesus tupang napiut Un in aa ka noan, “Tiata mi nangan babanan ne. Hmunan nu Ama Lamtua huil kit atuil Yahudi li le daid Un atulin son. Mo undeng mi dai muid Auk lo, tiata mam Ama Lamtua huil atuil didang lolen. Ta atuil man nuil muid Ama Lamtua in koma ngas siis, man tamas nal le daid Un atulin.

Matius 21:43 ပူးပေါင်းရင်းမြစ်များ

Matius 12:28

Mo eta baktetebes Auk nulut uikjale ki nini kuasa deng Ama Lamtua Koo la lam, na tulu bel noan, Ama Lamtua nam meman Lahi, man muik ne mi sila-matan son.

Matius 21:41

Kon atuil Yahudi las tene-tenen nas siut noan, “Taon elola ko un keo tele totoang atuil daat nas. Hidim un bel atuil didang le seb klapa la lolen, man mam bating klapa la in hapu ngas tom nol oras sa.”

Matius 21:42

Hidim Yesus aa nolas noan, “Bet mi les net asa man dulan son ne Ama Lamtua Allah Buk Niu ka ka lo, man noan, ‘Muik batu mesa, man tukang batu las kat soleng son, mo halas ni baut na daid baut netes, le taung in tian nini uma! Ama Lamtua Allah esa man huil baut na le todo se na. Undeng na le kit ngat net un in leko-banan isi ka!’ ”

Matius 21:44

[Auk tek mi nahlolool tuun. Auk niam, baut netes sa. Atuil man nahi tom baut na ka, mam dudu-dudus. Nol eta baut na nahi tom atuli lam, atuling na kon dudu-dudus.]”

Yuhanis 3:3

Yesus situn noan, “Toma! Molam Auk le tek ku elia: etan atuli li huan pait lo kam, un haup in daid Ama Lamtua atulin lo.”

Yuhanis 3:5

Yesus situn noan, “Toma! Molam elia: Atuli li musti huan nini ui le daid niu, nol huan nini koo le halin un daid atuil balu. Nini ela, halas-sam un tama nal le daid Ama Lamtua Allah atulin.

Korintus mesa la 13:2

Eta noan auk muik karunya le tek Ama Lamtua in hida ngas bel Un atulin nas, nol auk taan totoang dais in buni-napang ngas, nol auk nangan taan totoang dais man atuil in tana ngas, in tana ka, nol eta auk in parsai Ama Lamtua ka kuat-tes didiin auk pekot nal leten nas, mo auk muik in namnau bubuit lo kon nam, un ambak ki saa la? Auk in tao nas muik ambak mes lo kon.

Petrus mesa la 2:9

Mo mia lam ela lo. Lole mi daid atuil man Ama Lamtua Allah in huil esa son. Mi daid Un atulin. Mi banansila el tulu agama man lii-lau lahi ka. Mi kon tuladang el bangsa mesa man nuil niu taung Ama Lamtua. Mi daid ela, le halin mi bisa tek totoang atuli lia, deng Ama Lamtua Allah dalen banan, man Un tao bel mi son na. Ta Un tadu mia, le nang soleng in daek dadaat tas, halin mi daek sa-saa banan nas se mi in nuli ka. Na banansila el mi putim deng mitang nga, le nulim se Un langa man leok isi ka.