Matius 21:17 - Buk Niu In Hida Balu nol Dehet deng Apan-kloma ki in Dadi ka

¹⁷ Hidi deng nam, Yesus nol Un ima-ii las putis deng kota na, le lakos ninis se iung Betanias.

Matius 21:17 ပူးပေါင်းရင်းမြစ်များ

Matius 16:4

Meman mi atuil udin ni, suma taan in tao dadaat sii! Mi dai toe muid Ama Lamtua lo! Tiata mi nodan taad herang kon no, Auk tao bel mi lo. Undeng hmunan nu Ama Lamtua bel taad herang nini Un mee-baah Yunus son. Tiata na nol son!” Aa hidi ela kon, Yesus lako nang one.

Matius 26:6

Se iung Betania, muik atuli mes ngala Simun. Hmunan nu, atuli nikis una, undeng un tom iil baih-bluku. Mo halas ni, un banan son. Oras lelo-leol tene kas maas lius lo bii kam, Yesus nol Un ima-ii las lakos kaa se Simun uma.

Markus 11:1

Nikit oen lakos dadani kota Yerusalem, lius se ingu dua ngalan, Betfage nol Betania, ne leten Saitun na, kon Yesus nol Un ima-ii las tenes bubuit. Hidim Un tadu Un ima-ii las at dua le lakos muna.

Markus 11:11

Lakos lius se kota dalen kon, Yesus nol Un ima-ii las taam lakos se Ama Lamtua Allah Um in Kohe-Kanas Tene ka kintal la. Kon Yesus ngat pukiu kintal la babanan. Mo undeng muik oras lo son, tiata oen pait lakos iung Betanias.

Markus 11:19

Lelo la le dene kon, Yesus nol Un ima-ii las putis deng kota Yerusalem, le pait lakos ninis se iung Betanias.

Markus 14:3

Se iung Betania, muik atuling mes ngala Simun. Hmunan nu atuli las nikis una, undeng un muik iil baih-bluku. Mo halas ni un banan son. Oras lelo-leol tene kas maas lius lo bii kam, Yesus nol Un ima-ii las lakos kaa se Simun uma. Oen kaa mamasu lam, muik bihatang mes maa tutnaal nol Yesus. Un kil botor mes daken deng batu. Botor na isin na mina bui bingis man osa isi'. Bihatang na diuk tehen botor ra leo ka. Hidim un doan mina ka halin noh buit-buit se Yesus bon na, le daid tada noan un todan Yesus.

Markus 3:7

Oe mesan na, Yesus nol Un ima-ii las lakos se tubu Galilea suut ta. Mo undeng atuli mamo ming asa man Un in daek son nas, tiata oen totoang maas deng ingu-iung in se propinsi Galilea, propinsi Yudea, nol propinsi Idumea, le muid Una. Muik atuli mamo kon maas deng kota Yerusalem, kota Sidon, nol kota Tirus. Atuli deeh kon maas deng palun Yordan halin leol-saken. Oen totoang nuting le tutnaal nol Yesus.

Lukas 10:38

Hidi na kon, Yesus nol Un ima-ii las laok napiut lakos bus el Yerusalem. Oen tuil se ingu mesa. Se la muik kaka-pali at dua, ngalans Marta nol Maria. Marta nodan le Yesus nol ima-ii las tuil se un uma. Kon nam oen daad tahang se las. Oras Yesus daad le tui atuli las sa, Marta sii man kukaum in mana kaa-ninu se dapur ra. Mo un palin Maria daad dadani se Yesus iin na, le hii Un in teka ngas. Nesang lo kon Marta taam maa le muhmemen se Yesus sila ka, hidim un tek noan, “Papa! Elol nia la! Auk kukamu ana lo nol mana-koet in kaa-ninu, mo auk paling ngi daad babanan tuun mo nia lam. Tulung le! Tadu un le hulung auk buit se dapur ru le!”

Lukas 19:29

Oras oen lakos dadani nol ingu dua, ngalan Betfage nol Betania, man ne leten Saitun, kon Un tadu ima-ii las at dua, le lakos muna.

Lukas 24:50

Neot mesan na, Yesus kil nol oen putis lakos deng kota la. Nikit oen lakos dadani nol iung Betania kon, Un nikit ima ka le aa beles hangun.

Yuhanis 11:1

Muik atuli mesa ngala Lasarus. Un daad se iung Betania, leo-leo nol un kakan bihata las duas, Maria nol Marta. (Maria ni, man doan mina bui bingis se Lamtua Yesus iin na, hidim madin nini un klanga ka esa.) Oe mesan na, Lasarus heda ngele.