Matius 20:7 - Buk Niu In Hida Balu nol Dehet deng Apan-kloma ki in Dadi ka

⁷ Atuil nas siut noan, ‘Papa! Muik atuli in bel kaim os le dake lo kam.’ Kon nam klaap lamtua ka tekas noan, ‘Eta ela lam, mi laok daek se auk klapa lua!’

Matius 20:7 ပူးပေါင်းရင်းမြစ်များ

Matius 20:1

Hidi nam Yesus tui noan, “Ama Lamtua Allah in kil prenta ka, banansila el kleta nia: muik klaap anggor lamtua mes puti oskaong bii, diuk eneng, le laok nuting atuli halin maa daek se un klaap anggor ra.

Matius 20:6

Lelo-maun, nataka le diuk lima son, mo klaap lamtua ka puti lako nuting pait. Un ngat lako-pait tam, muik atuli in dili-dil tuun nabale, kon un keket oen noan, ‘Tasao le mi dili-dil tuun deng oskaong ngu didiin lelo-maun, nol daek saa lo kia?’

Matius 20:8

Diuk eneng lelo-maun son kon, klaap lamtua ka haman un atulin in doha-tinang atuil in dake ngas, le tekan noan, ‘Haman atuil in dake ngas, le baen oen duit in dake ngas mesa-mesa. Mulai deng atuling in tama daek mudi ka, lako lius atuling in tama daek muna ka.’

Yuhanis 9:4

Ama Lamtua Allah man nutus Au. Tiata kit musti nuklek le lako-daek Un osa las se oras langa ka in muik nabale kia. Ta mam mitang nga maa son nam, atuli li daek nal saa pait lo ka.

Dehet deng Aan in Nutus sas 4:16

Oen aa nol apa noan, “Kaka-pali me! Kit musti tao saa nol atuil at dua nias sa? Lole totoang atuil in se Yerusalem mias taan son noan, oen duas man tao taad herang nia. Tiata kit le kaen elol pait ta, muik bukti son nam!

Roma 16:25

Naka Ama Lamtua Allah! Ta Un man muik kuasa le tao mi daid kuat-tes. Un Dehet Dais Banan na tek ela, nol auk kon tui atuli las ela, se oras auk in nahdehes deng Yesus Kristus sa. Ama Lamtua man tek puting totoang dasi-dais in deng Kristus sas bel kit son, man hmunan nu atuli tanas lo, undeng buni-napang nabale.

Efesus 6:8

Undeng kit tana noan, mam Ama Lamtua Allah balas atuil in daek dais banan nas. Nas atuil in dake tam, tuang tam, ata tam, ata lo kon no, Un balas oen totoang.

Kolose 1:26

Lolo hmunan nua, atuli li hii-ming Ama Lamtua in Teka-teka ngas. Mo oen taan in Teka-teka nas nahin na nol langa-langa lo bii, lole nahin na buni-napang nabale. Mo halas ni, Ama Lamtua nutus son le puting nahin na langa-langa bel Un atulin nas. Nol Un in koma ka, dehet man in muun isi na, taung totoang ngala-ngaal deng bangsa-bangsa in se apan-kloma kia ngas. Dehet man in muun isi na, elia: Kristus nuli ne mi dalen nas! Na ka, man tao mi parsai napiut noan, mam Un tao dasi-dais in banan dudui ngas bel mia. Nia ki, man kit atuli li nata-natang deng lolo hmunan nua.

Ibrani 6:10

Tiata nangan, ta Ama Lamtua Allah dalen na lolo, nol Un kon nadidingun mi lating ngas lo. Ta mi daek mumuun son le tulung Un atulin nas, nol namnau one. Lolo hmunan nua, meman mi lako-daek Un osa la son. Nol mi daek ela nabale.