Matius 20:26 - Buk Niu In Hida Balu nol Dehet deng Apan-kloma ki in Dadi ka

²⁶ Mo mi boel tao ela deken! Asii deng mia la le daid atuil tene kam, un musti daid banansila el atuil in loka-loka ka, le lii-lau atuil didang.

Matius 20:26 ပူးပေါင်းရင်းမြစ်များ

Matius 20:27

Nol asii man le daid tulu kam, un musti tao apa ka banansila el ata ka.

Matius 25:44

Ming ela kon, atuil daat tas siut noan, ‘Lamtua, na elol son na la? Lamtua tek noan lubu, mo kaim bel in kaa lo. Lamtua meen tuu, mo kaim bel in ninu lo. Lamtua maa banansila el atuil balu ka, mo kaim sium tahang se kaim uma las lo. Lamtua muik kai-baut in pake lo, mo kaim bel lo. Lamtua heda, mo kaim laok meo lo. Lamtua se bui ku dale, mo kaim laok tulung lo. Tiata kaim tao saol Lamtua ela blingan son na?’

Matius 27:55

Se na kon, muik bihata hut mamo, man ngat net Un in mate ka deng kakatang. Oen muid Un son deng Galilea, lole oen man tutan-lau Un lo-lolo hmunan nua.

Markus 10:43

Mo mi tao ela deken! Eta asii deng mia la kom le daid atuil tene kam, un musti daid banansila el ata ka, le lii-lau atuil tenga las.

Markus 10:45

Ta Au, Atuling Baktetebes sia, maang le atuli li lii-lau Auk lo, molam Auk maang le lii-lau atuil hut mamo kas. Auk maang le bel Auk in nuli ki tetema, halin sui nal atuli mamo deng oen in kula-sala ngas.”

Markus 9:35

Kon nam Yesus daad le tui oen noan, “Asii man kom le daid atuil tene kam, un in nuli ka musti daid baktetebes el atuil ana ka, le lii-lau totoang atuli lia.”

Lukas 18:14

Dedeng atuil at dua nas pait umas sa, nataka le ol man babanan nol Ama Lamtua Allah la? Atuling Farisi man koaok daat ta, tam atuling in sium bea ka la? Taon elola ko Un sium nol banan atuling in sium bea, man tao dalen na deng dadale ka. Mo un toe muid atuling Farising nga lo. Ta Ama Lamtua Allah tao nahu atuil in koaok daat ta, mo nikit sakeng atuil in tao apa ka deng dadale ka.”

Lukas 22:26

Mo mi boel ela deken. Asii kom le daid atuil tene kam, un in nuli ka musti daid tuladang el atuil ana ka, le lii-lau totoang atuli lia. Asii kom le daid tuang ngam, un musti lii-lau banansila el atuil in loka-loka ka.

Yuhanis 18:36

Kon Yesus tekan noan, “Auk niam mo lahi mes deng apan-kloma ki lo. Ta eta Auk daid laih tuladang ela lam, taon elola ko, Auk atulin in loka-tadu ngas tuku-keng le atuil Yahudi las daek nal Auk lo. Meman Auk daid Lahi. Mo muik tahan atuli mes lo kon se apan-kloma kia, man nikit Auk le daid Laih ela.”

Korintus dua la 1:24

Kaim nikit apan nias le daid tuang lo, le tadu mi noan, mi musti parsai se asii la. Mo kaim daek leo-leo nol mia, le halin nam mi dalen kolo. Ta mi tahang nal muun, undeng mi in parsai se Ama Lamtua Allah ka.

Filemon 1:13

In toma ka, auk le tahang una, halin nam un seda ku taung in tutan-lau auk se nia. Ta oen bel auk dola le daek saa se ni lo. Auk daid atuil bui undeng auk in nahdeh atuli li deng Lamtua Yesus Dehet Banan na ka.

Ibrani 1:14

Mo Un ima-ii las meman muik nahin dui. Lole Un man nutus one, le laok urus totoang atuil man mam Un beles boa-blingin deng oen in kula-sala ngas. Mo ela kon no, Ama Lamtua Allah Ana ka, muun dui deng oen totoang nabale.

Petrus mesa la 4:11

Tuladang el: eta haup karunya le tui atuli lam, nangan ta mi musti tui atuli las nini in Teka-teka, deng Ama Lamtua ngas siis. Eta haup karunya le lii-lau atuli lam, lii-laus nini in muun-tes man Ama Lamtua in bele ka. Nini ela lam, totoang atuli li neta, noan, mi niam mo, Yesus Kristus atulin. Undeng na, oen nikit Ama Lamtua Allah ngala ka lapa-lapa. Ta Un nam, uhu isi! Un in kuasa ka, nol Un in kil prenta ka hidi nutus taan lo! Baktebes ela!

Petrus mesa la 5:3

Boel prenta dadahut le tao ngele atuil man Ama Lamtua in bel mi son le ator ras deken. Molam mi musti daid in not man banan, le tulu lalan bel one.

Apan-kloma Hnika Balu 17:6

Hidim auk ngat tam bihatang na mahu ngele isi son, lole un niun Ama Lamtua Allah atulin nas dala nas. Nahin na noan, un keo tele Ama Lamtua Allah atulin nas son, undeng oen teen in aa deng Yesus lo. Ngat net ela kon, auk ngaa-bahang tuun nol herang isi.