Matius 2:6 - Buk Niu In Hida Balu nol Dehet deng Apan-kloma ki in Dadi ka

⁶ ‘Hoe! Mi atuil Betlehem man in ne propinsi Yudea me. Mi boel nangan noan, mi ingu la, suma iung ana mesa, man muik nahin lo ka deken. Ta mam muik atuil tene at mes daid deng iung na. Mam Un daid atuil in lolo-poa taung Auk atulin Israel las.’ ”

Matius 2:6 ပူးပေါင်းရင်းမြစ်များ

Dehet deng Apan-kloma ki in Dadi ka 49:10

Mam ku niam, kil bandu. Ku in hua-koet tas kon kil bandu mudi-muid apa, didiin mam muik At Mes kil hak lapa dui deng totoang. Un daad le kil bandu, hidim bangsa-bangsa las totoang todan Una, nol hii-ming se Una.

Matius 2:1

Dedeng in hua Yesus se iung Betlehem, se propinsi Yudea ka, lahing Herodes kil bandu se la. Dedeng na, muik atuli at ila lo deng maan katang, se halin leol-sake lua, maas se kota Yerusalem. Oen nam mo atuil in tadas taan duun.

Matius 28:18

Kon Un maa dadani oen le aa nolas noan, “Ama Lamtua Allah bel Auk kuasa, le prenta totoang in ne sorga nguas, nol totoang in ne apan-kloma ki ngias.

Yuhanis 21:16

Kon Yesus keket un pait noan, “Simun, Yuhanis ana. Elola? Ku namnau Au, tam lo ka?” Un siut noan, “Auk namnau Paap baktebes! Paap taan auk in namnau ka son.” Kon Yesus hid un noan, “Etan ela lam, papa-paiduil Auk lae-blai las nol babanan.”

Yuhanis 7:42

Ta ne Ama Lamtua Buk Niu ka, muik in dula noan, Un nam laih Daud in hua-koet. Se maan didang kon, muik in dula noan, Un nam atuil Betlehem, na laih Daud ingu la, ta lo?”

Efesus 1:22

Ama Lamtua Allah esa man tao totoang nas suda huud dale, le halin todan se Kristus sii. Nol Un kon man nikit Kristus daid Bon, le mana-koet totoang asa man in butu-kil nol atuil in parsai ngas.

Kolose 1:18

Un man daid Tulu deng atuil in parsai ngas totoang, Nol Un apa ka na mo, mo atuil in parsai ngas. Ta Un man nuli pait muna', Deng totoang in mate hidim nuil pait tas. Un man muun dui hihidi, Nol Un man lapa dui deng totoang.

Ibrani 7:14

Mo totoang atuli li tana noan, kit Lamtuan Yesus Kristus huan deng ngaal Yahuda. Molota muid upung Musa atorang nga lam, muik tulu agama deng ngaal na lo.

Apan-kloma Hnika Balu 11:15

Hidi nam, Ama Lamtua ima-ii deng sorga nomer itu la huu un klingu la. Nahkitu lam, auk ming fala mamo-mamo maas deng sorgas, le tek noan, “Halas ni in kil bandu se apan-kloma kia ka, suma Ama Lamtua Allah nol Kristus, Un nam Lamtua Allah Atulin man Un hulin meman son deng hmunan nua ka. Ama Lamtua Allah nam Lahi, man kil bandu napiut didiin hidi nutus lo.”

Apan-kloma Hnika Balu 7:17

Lae-blai Ana man dani nol del in prenta ka, mam Un daid atuil in lolo-poa one. Mam Un sika-poa one, le lakos niun se ui mata man kil in nuli ka. Mam Ama Lamtua nikit soleng oen in susa ka, le halin oen lilu pait lo ka.”