Matius 2:4 - Buk Niu In Hida Balu nol Dehet deng Apan-kloma ki in Dadi ka

⁴ Hidi kon, lahing Herodes sa haman nakbua tene-tene agama Yahudi las nol guru-guru agama las totoang, le keket oen noan, “Olan mi tek napat auk le! Kristus, man Ama Lamtua Allah in hid meman son na, mam huan se ola ka?”

Matius 2:4 ပူးပေါင်းရင်းမြစ်များ

Matius 13:52

Kon nam Yesus siut balis noan, “Banan! Ta guru agama man in tui baktetebes deng Ama Lamtua in Teka-teka, man dulas meman son deng hmunan nua ka, hidim kil dididi asa man Auk in tui hahalas nia ngas, banansila el um lamtua man kom in sai un maan in pesang hmuki-nalan nas, le tulu-balang un hmuki-nalan blaan nas, leo-leo nol un hmuki-nalan balu kas.”

Matius 2:3

Nikit lahing Herodes sa ming oen in aa ela ka kon, un dalen na banan lo. Ta totoang atuil in se Yerusalem mas kon nangan nam susa, undeng oen lii.

Matius 2:5

Kon oen situn noan, “Se Betlehem, propinsi Yudea, ama lahi. Ta Ama Lamtua Allah mee-baah in ngaal Mika ka, dul meman son lolo hmunan nu elia:

Matius 21:15

Se na kon, muik tulu agama Yahudi las tene-tenen nas, nol guru-guru agama las. Nikit oen net Yesus in tao taad herang ela ka kon, oen koon-mali. Dudui pait ta, nikit oen ming tana-anang in se Um in Kohe-kanas sas, nakaa mumuun noan, “Hosana! Kaim naka-naka Ama Lamtua Allah! Undeng laih Daud in hua-koet ta maa son!”

Matius 21:23

Hidi na kon, Yesus nol ima-ii las laok napiut. Lius se Yerusalem kon, oen taam lakos pait se Um in Kohe-kanas Tene ka kintal la. Dedeng Yesus tui atuli las deng Ama Lamtua Allah lalan in nuli ka mamasu lam, tulu agama Yahudi las tene-tenen nas, nol blalan-blalan hadat tas maas le keket-ketan nol Yesus noan, “Asii tadu Ku maa tao lobo-lau se ni lahin nia? Asii man bel ku hak ka?”

Matius 26:3

Leol na, tulu agama Yahudi las tene-tenen nas, nol blala-blalan hadat tas nakbua se Kayafas uma. Kayafas na mo, tuang tene deng tulu agama Yahudi las.

Matius 26:47

Yesus aa mamaus ela lam, Yudas nol atuli hut mamo maas lisu. Oen maas kil suli nol kai teben, le daek Una. Oen tao ela muid in prenta deng tulu agama Yahudi las tene-tenen nas, nol blalan-blalan hadat tas.

Matius 27:1

Oskaong mitang bii kon, totoang atuil in nehan dais agama ngas, koo mes le tao tele Yesus.

Matius 7:29

undeng Un taan baktetebes in tui ngas isin nas. Un lalan in tui ka muun isi, tatai nol oen guru agama las in tui ngas lo.

Markus 8:31

Hidi deng na kon, Yesus tek Un ima-ii las noan, “Auk niam, Atuling Baktetebes sa. Nesang lo kam, Auk haup in susa-daat mamo, undeng blalan hadat tas, nol tulu agama las tene-tenen nas, nol guru agama las totoang hutun soleng Au. Mam oen keo tele Au. Mo bingin dua ka lam, Auk nuling pait.”

Lukas 20:19

Nikit guru agama las nol tulu agama las tene-tenen nas ming dehet na kon, oen tana noan, Yesus in aa nini kleta na hai bus one. Oen hnika mes el atuil in daek klapa la ngas. Tiata oen komali isi. Kon oen nuting lalan le daek Una. Mo oen tiud nol atuil hut mamo, man kom isi nol Yesus in tui ka ngas. Tiata oen lakos nang soleng Un tuun ela.

Lukas 23:10

Herodes aa nol Yesus mamasu lam, tulu agama las tene-tenen nas nol guru-guru agama las tudu Yesus pait, noan Un tao kula-sala bili-ngala.

Yuhanis 3:10

Yesus siut noan, “Hoe kaka. Kaka daid atuil Israel las guru tene mesa. Mo tasao le kaka taan dais nias lo kia?

Yuhanis 7:32

Se atuil hut mamo nas hlala ka, muik atuli at ila lo deng partei agama Farisi. Oen ming haup atuli mamo hulu-hulu deng Yesus apa ka. Hidim oen nol tulu agama Yahudi las tene-tenen nas, lok atuil in doh Um in Kohe-kanas Tene ka ngas at ila lo, le laok daek Yesus.

Yuhanis 8:3

Un tui oen mamasu lam, guru agama at ila lo, nol atuil Farisi dehe, pel nol bihatang mes lako bel Yesus, undeng oen daken nol biklobe. Hidim oen dising bihatang na, le dil se oen totoang silan.

Dehet deng Aan in Nutus sas 23:9

didiin oen in kaen apa ka daid lobo-lau muun isi. Hidi nam, muik guru deng partei Farisi deeh hangus dili, le bela Paulus noan, “Atuling ni kula lo! Asii tana mo tamlom muik koo, nol muik Ama Lamtua Allah ima-ii mes deng sorga maa aa nol una la!”

Dehet deng Aan in Nutus sas 4:5

Ola ka kon, atuli-atuil tene Yahudi las nakbua se kota Yerusalem. Nas, atuil in kil prenta ngas, blalan-blalan hadat tas, nol guru-guru agama Yahudi las.

Dehet deng Aan in Nutus sas 6:12

Oen nole-lilung atuli las ela, didiin blalan-blalan hadat atuil Yahudi las, nol guru-guru agama las kon ming hapu. Ming ela kon, oen koon-mali. Tiata oen lakos daek Stefanus, le pel nolan lako taal se maan in nehan dais agama ka.