Matius 2:2 - Buk Niu In Hida Balu nol Dehet deng Apan-kloma ki in Dadi ka

² Oen maas lius se Yerusalem kon, oen ketan lako-pait noan, “Atuil Yahudi las Lahin in hua babalu ka, ne ola ke? Kaim ngat net duun mes son se halin leol-saken, man bel tada noan, hua Un son. Undeng na le, kaim maa todan-lahing Una.”

Matius 2:2 ပူးပေါင်းရင်းမြစ်များ

Matius 2:3

Nikit lahing Herodes sa ming oen in aa ela ka kon, un dalen na banan lo. Ta totoang atuil in se Yerusalem mas kon nangan nam susa, undeng oen lii.

Matius 21:5

‘Hoe mi atuil Yerusalem me! Ngat laok bus elu le! Ta mi Lahin na maa nuan! Un maa nol in tao dalen deng dadale. Un saek keledai ana le maa.’ ”

Matius 27:11

Nikit atuil nas kil nol Yesus lako lius se gubernur ra kon, un keket Yesus noan, “Elola? Ku niam baktetebes atuil Yahudi las Lahin ne?” Un siut noan, “Baktebes! Paap in aa na, toma.”

Lukas 19:38

Oen leo-leo naka-naka noan, “Un niam, Lahing man Ama Lamtua Allah in nutus maa ka! Ama Lamtua Allah bel hangun se Una! Halas nia, atuli li haup in mole-daem nol Ama Lamtua se sorga son. Naka Ama Lamtua man daad le kil prenta ne apan-dapa man lapa dudui kua.”

Lukas 2:11

Dais banan ni isin na elia: Leol ni bihatang mes hua Kristus son, ne Betlehem, laih Daud kota la! Kristus na mo, Atuling man Ama Lamtua Allah in hid meman son, deng lolo hmunan nua ka. Ama Lamtua tunang Un maa le bel boa-blingin atuli li deng oen in kula-sala ngas! Una, man mam atuli li haman noan, ‘Lamtua!’

Lukas 23:3

Ming ela kon gubernur ra keket Un noan, “Baktebes se? Ku niam atuil Yahudi las lahin ne?” Kon Yesus siut noan, “Baktebes, banansila el ama in aa ka!”

Lukas 23:38

Oen kon dul se kai bleha mes noan, “Ni atuil Yahudi las Lahin.” Hidim oen pauk kai bleha na se Yesus bon na dapa ka, le halin atuli las tana noan, tasao le oen hukung Una lia.

Yuhanis 1:49

Kon Natanel hao noan, “Tuang Guru niam taon elola ko, Ama Lamtua Allah, Ana! Nol Tuang kon taon elola ko, kaim atuil Israel li Lahin!”

Yuhanis 12:13

Kon oen lakos dait kai klehen muda le hehan laok se lalan na, halin daid tada noan, oen sodo-sium Yesus in maa ka banansila el Un nam atuil tene. Hidim oen kidu kleba-kleba le aa noan, “Hosana! Naka-naka Ama Lamtua Allah! Ta Ama Lamtua tulu Un dalen banan na bel Lahing Israel la, man maa nol kil Ama Lamtua ngala ka!”

Yuhanis 18:37

Kon nam, gubernur ra keket pait noan, “Ta Ku niam mo Lahi le?” Yesus siut noan, “Ama gubernur esa man tek noan Auk niam Lahi. In toma ka, hua Auk le daid Lahi. Auk kon maang se apan-kloma kia, le daid Lahi, halin Auk tui-tek deng dasi-dais in toma ngas. Totoang atuil man kil didi dasi-dais in toma ngas, hii-ming se Au.”

Yuhanis 19:19

Kon gubernur ra tadu un tentaran nas, le dul se kai bleha mesa, hidim pakun se dapa, titu nol Yesus bon na. Oen dul se kai bleha na noan, “Nia ki Yesus, atuil Nasaret. Un niam, Laih atuil Yahudi”

Yuhanis 20:28

Tomas siut noan, “Idaah Papa! Halas-sam auk parsai baktetebes! Paap niam mo auk Tuang, nol auk Lamtua Allahn!”

Yuhanis 5:23

Auk Amang nga in koma ka totoang atuli li todan Au, banansila el oen in todan Una ka kon. Ta atuil in dai todan Auk lo ka, un kon dai todan Auk Amang man in nutus Au ka lo.

Yuhanis 9:38

Kon atuling nga tekan noan, “Tuang, auk parsai!” Hidim un hai buku ka le todan-lahing Yesus.

Ibrani 1:6

Dedeng Ama Lamtua Allah bel Un Ana in uhu isi na maa ka, Un kon prenta Un ima-ii in se sorga nguas noan, “Hoe! Ima-ii me! Mi musti laok todan-lahing Auk Anang nga!”

Apan-kloma Hnika Balu 22:16

Auk niam, Yesus. Auk man tadu Auk ima-ii la maa deng sorga, le tek puting dais nias totoang, halin mam mi laok tek Auk in hida ki bel jemaat iut nas. Auk nia mo laih Daud in hua-koet. Auk nia mo Laih man in kil bandu. Auk kaloen na, langa isi, tuladang el Paplome ka. Auk langa ka muun isi, banansila el Duun Tuan Peke Langa ka.”