Matius 18:31 - Buk Niu In Hida Balu nol Dehet deng Apan-kloma ki in Dadi ka

³¹ Nikit atuil in dake tenga las net asa man in daid son na, kon oen dalen ili ana lo. Ta oen lakos tek lahing nga.

Matius 18:31 ပူးပေါင်းရင်းမြစ်များ

Matius 14:9

Ming tana-bihatang na nodan ela kon, Herodes maingasar. Mo un pel pait nal un in sumpa ka lo son, lole totoang atuil in haep pas ming son nam. Tiata un tao muid tana-bihatang na in koma ka.

Matius 18:28

Mo nikit atuling in dake na puti kon, un tutnaal un tapa mes man hningin duit bubuit se una. Kon un daek un tapa ka, le kes se leo ka, hidim tekan mumuun noan, ‘Hoe! Baen ku hningin nas nol ni tia!’

Matius 18:30

Mo atuling in dake na siut noan, ‘Bisa lo! Taon elola ko ku musti baen nol ni tia!’ Hidim un tamang un tapa ka lako bui dalen, didiin un baen nuli un hningin nas.

Matius 18:32

Ming ela kon, lahing nga haman atuling in dake man taan apa lo na. Le ahan noan, ‘Hoe atuil daat! Undeng ku nodan le bel ampong ku, tiata auk kose soleng ku hningin nas totoang son.

Markus 3:5

Kon nam Yesus dalen iil naseke', lole oen paiduil isi nol oen atorang nga, mo oen nang atuling man ima halin in mate ka. Un koon-mali le ngat nakekeon one. Hidim Un tek atuling nga noan, “Doong ku imam ma!” Tiata atuling na doong un ima ka, kon suknahkitu lam un ima ka banan meman.

Lukas 14:21

Hidi na kon, ata ka pait le lapur un tuang nga. Ming ela kon, tuang nga koon-mali isi. Hidim un tadu ata ka pait noan, ‘Eta ela lam, ku puit lako laba-laba! Ku laok se kota ni lalan tuan nas, onget-onget tas le haep atuil kasiang ngas, atuil ii daat tas, atuil tedo kas, nol atuil hlukut-kait tas le nolas maa se fesat tia.’

Lukas 19:41

Oras oen lakos dadani le tamas Yerusalem, Yesus ngat net kota la, kon Un lilu,

Roma 12:15

Eta muik atuli dalen kolo kam, dalen kolo leo-leo nolan. Nol eta muik atuli in lilu undeng un dalen ili lam, lilu leo-leo nolan.

Korintus dua la 11:21

Mo komali deken ne! Ta auk mae, undeng kaim bloen-blahen tuun. Lole kaim tao nal banansila el atuil nas in tao saol mi ela ka lo. Mo eta oen le bahan tuan deng asa mesa lam, auk kon brain le bahang tuan ela. (Mo nadidingun deken, ta auk aa in lebo tuun!)

Ibrani 13:17

Mi musti hii-ming se totoang atuil man in doha-tinang mia ngas. Ta oen doha-tinang mi in parsai se Ama Lamtua ka duman-lelo. Mam oen musti laok situ-tal oen in dake ka se Ama Lamtua Allah sila. Tiata, hii-ming babanan se one, le halin oen daek nol dalen kolo, hidim tek nal nol dael kolo kon. Eta lo kam oen dake tamlom teka lo, nini dalen in dudus, undeng mi nang soleng Yesus Kristus lalan in nuli ka son. Ta eta ela lam, mi haup saa pait lo.

Ibrani 13:3

Nadidingun le laok meo atuil in taam ne bui dale ngas deken. Ta oen tom in dake, undeng oen parsai se Kristus. Mi musti tulung one, banansila el mi esan man tom in hukung. Nol nadidingun le tulung atuil man tom in diku-puang ngas deken. Tulung oen nol babanan, banansila el mi esan man tom in susa-daat na.