Matius 18:3 - Buk Niu In Hida Balu nol Dehet deng Apan-kloma ki in Dadi ka

³ Hidim Un tek noan, “Hii babanan! Atuil man in le tama daid Ama Lamtua atulin na, un musti seda un in nangan na, le daid banansila el tana-ana blutu, man nahlae napiut se un ina-ama ka, nol nikit-nikit taan apa ka lo ka.

Matius 18:3 ပူးပေါင်းရင်းမြစ်များ

Matius 13:15

Undeng atuil nias dalen nas didi, oen kon tao oen hngilan nas le kiu, nol tao matan nas le tedos. Tiata nang le halin nam, oen hngilan nas kiu, nol oen matan nas tedos tuun lako. Le halin Auk tao banan oen deken tia, undeng oen dai muid Auk lo.’

Matius 18:2

Kon Yesus haman tana-ana blutu mesa, le maa dil se oen hlala ka.

Matius 18:4

Undeng atuil in tao apa ka deng dadale, tuladang el tana-ana blutu nia ka, se Ama Lamtua sila-mata kam, un tene dui.

Matius 19:14

Kon Yesus ahan Un ima-ii las noan, “Nang le tana-anang ngas maas se Au lia! Kaing oen deken! Ta atuil in banansila el tana-ana man in nahlae tutungus se oen ina-aman nas, nol nikit-nikit taan apan lo ngas, man daid Ama Lamtua Allah atulin.”

Matius 19:23

Hidi kon Yesus aa nol Un ima-ii las noan, “Parsai Auk in aa nia, ta atuil in muki ki sus isi in tama sorga.

Matius 5:18

Undeng na le, hii babanan ne! Eta totoang daid muid Ama Lamtua Allah atorang ngas lo bii kam, apan-dapa ku nol apan-kloma ki bisa dudus lo. Titik-koma mes deng atorang nas kon, kose soleng nalas lo.

Matius 5:20

Parsai se Au! Eta mi nuil lolo dui deng guru agama las nol atuil Farisi las lo kam, mi tamam nal le daid Ama Lamtua Allah atulin lo.”

Matius 6:16

“Eta mi kohe-kanas nol telang ngam, tao mi silan nas bloen tuun tuladang el atuil man aa kam kisa, mo dake lam kisa ngas deken. Ta oen tao ela le halin atuli li nakas noan, ‘Hao! Oen nam mo atuil niu!’ Mo hii ke! Haup in naka ela na, oen sium nuli oen in hapu ngas son na.

Matius 6:2

Eta mi le tulung atuil kasiang ngas sam, laok dehet mi in dake na se ola-ol deken. Ta eta mi tao ela lam, mi banansila el atuil in nuting ngala tuun, man aa kam kisa mo dake lam kisa. Atuil in ela ngas taom kom in laok se um in kohe-kanas sas, le halin atuli naka oen noan, ‘Wuii! Atuling ni muun isi ko!’ Auk in aa ni baktetebes! Haup in naka ela na, oen sium nuli oen in hapu ngas son na.

Matius 6:5

“Eta mi kohe-kanas sam, tao apan banansila el atuil in aa kam kisa, mo dake lam kisa ngas deken. Oen kom in laok se lalan man muik atuli hut mamo, nol dil se um in kohe-kanas sa dalen, le halin atuli hut mamo netas nol naka-naka oen noan, ‘Wuii, oen niam mo atuil niu!’ Mo hii ke! Haup in naka ela na, oen sium nuli oen in hapu ngas son na.

Markus 4:12

Ta atuil didang ngas banansila el asa man Ama Lamtua Allah mee-baha la in dul meman son noan, ‘Oen net son, mo dai nangan tanan lo. Oen ming son, mo dai muid lo. Nang le oen parsai se Ama Lamtua deken tia, le halin Ama Lamtua bel ampong oen bakun na.’ ”

Lukas 13:24

Un siut noan, “Hnita in taam laok sorga ku ana blutu. Tiata nuklek mumuun le halin mi taam lakom nal deng na. Ta muik atuli mamo man soba-naan le tama, mo bolen lo.

Lukas 22:32

Mo Auk kohe-kanas bel ku Petrus, le halin nam ku parsai tutungus se Au. Mam eta ku pait maa se Au li son nam, ku musti tao teken ku pail-kakam mas dalen nas.”

Yuhanis 1:51

Auk in tek mia ni tom baktetebes. Mam mi net apan nu holsai. Kon Ama Lamtua ima-ii in ne sorga nguas niu-saek se Auk halin na. Ta Auk niam mo, Atuling Baktetebes sa.”

Yuhanis 3:3

Yesus situn noan, “Toma! Molam Auk le tek ku elia: etan atuli li huan pait lo kam, un haup in daid Ama Lamtua atulin lo.”

Yuhanis 3:5

Yesus situn noan, “Toma! Molam elia: Atuli li musti huan nini ui le daid niu, nol huan nini koo le halin un daid atuil balu. Nini ela, halas-sam un tama nal le daid Ama Lamtua Allah atulin.

Dehet deng Aan in Nutus sas 14:22

Lius se las kon, oen dehet nol atuil in muid Lamtua Yesus sas, le tao teken oen dalen nas. Oen tekas noan, “Kaka-paling totoang! Nangan noan, eta kit tamang daid Ama Lamtua Allah atulin son nam, kit haup in susa-daat pait lo ka deken. Ta taon elola kon, kit musti haup susa, mo kit musti tahang le muid napiut se Lamtua Yesus.” Oen duas tui Yesus atulin in se kota na ngas ela.

Dehet deng Aan in Nutus sas 28:27

Undeng bangsa ni dalen na didi isi. Ta oen hngilan nas dai ming pait lo son! Nol oen matan nas kon hut didi son! Nang le halin oen ming bakun tia; Nol nang le halin oen matan nas net deken tia. Hidim nang le halin oen dalen nas tema napiut. Didiin oen taan lalan in pait maa bus el Au ka lo. Tiata, taon elola le Auk tao banan oen pait ta?’ ”

Dehet deng Aan in Nutus sas 3:19

Undeng na, mi musti bali kudi nang soleng mi in kula-sala ngas, le pait lakom bus el Ama Lamtua Allah tia, le halin Un kose soleng mi in kula-salang nas, nol nangan netas pait lo.

Korintus mesa la 14:20

Kaka-pail in namnau me! Eta mi le nangan tana lam, mi musti tui, le halin mi in nangan na el atuil tuan na. Mi in nangan na boel banansila el tana-anang blutu kas deken! Mo nol dais daat tas sam, mi musti tao el tana-ana blutu ka, man tao taan dais daat tas lo, ta oen dalen nas nam niu.

Petrus mesa la 2:2

Ta tana-ana blutu mea kam, kom le haup in nusu deng un ina ka susu uin na. Ela kon, mi dalen nas musti kom le taan baktetebes deng Ama Lamtua Dehet-dasin na. Ta na, man tao mi in parsai ka kuat taplaeng. Nol ela, mi in nuil muid Ama Lamtua in koma ka, muun keko lako.

Petrus dua la 1:11

Nini ela lam, Ama Lamtua Allah le bel mi dasi mesa, man muun isi. Na ka, Un sai lalan nol bel mi hak le sium Yesus Kristus, daid mi Lahin, hidim nuil napiut nol Una. Ta Un nam mo, kit Lamtuan. Nol Un kon man bel boa-blingin kita, deng kit in kula-sala ngas son.