Matius 18:20 - Buk Niu In Hida Balu nol Dehet deng Apan-kloma ki in Dadi ka

²⁰ Ta eta muik atuli at dua-tiul nakbua le kohe-kanas, undeng oen parsai se Au lam, Auk kon leo-leo nolas se oen hlala ka.”

Matius 18:20 ပူးပေါင်းရင်းမြစ်များ

Dehet deng Apan-kloma ki in Dadi ka 49:10

Mam ku niam, kil bandu. Ku in hua-koet tas kon kil bandu mudi-muid apa, didiin mam muik At Mes kil hak lapa dui deng totoang. Un daad le kil bandu, hidim bangsa-bangsa las totoang todan Una, nol hii-ming se Una.

Matius 18:21

Hidi na kon, Petrus maa ketan Yesus noan, “Tuang, auk le keket bubuit. Eta auk pail-kakang in parsai mes tao kula auk oe-oe kam, auk musti bel ampong un oe ila la? Oe itu le?”

Matius 28:20

Hidim tui one, le daek muid totoang prenta man Auk in tek mi son nas. Nangan ne! Auk leo-leo nol mi napiut, didiin apan-kloma ki kiamat.”

Yuhanis 20:19

Leol na nahi tom leol Minggu, na minggu balu ka leol mesa ka. Lelo la dene kon nam, Yesus ima-ii las nakbua. Oen hkaen tele uma la hnita nas totoang, undeng oen lii atuil Yahudi las tene-tenen nas. Mo suknahkitu lam Yesus maa dil se oen hlala ka le tek noan, “Boa-blingin!”

Yuhanis 20:26

Hidi nal minggu mes pait kon, Yesus ima-ii las leo-leo nol Tomas, se uma mes dalen. Hnita kas hkaen teles, mo suknahkitu lam Yesus tama le dil se oen hlala ka. Un tek oen noan, “Boa-blingin!”

Yuhanis 8:58

Kon Yesus siut noan, “Baktebes! Ta upung Abraham muik lo bii kam, Auk muik muna son.”

Korintus mesa la 5:4

Auk muik hak le nutus ela, undeng Yesus daid kit Lamtuan, nol auk niam Un atulin in nutus. Hidim mi musti daad nakbua le nutus dais na, nini Lamtua ngala ka. Nol auk daleng ngi kon leo-leo nol mia.

Tesalonika mesa la 1:1

Boa-blingin deng au, Paulus, nol auk tapang ngias, Silas duas Timutius. Surat ni, kaim tunang bel mi totoang jemaat in ne kota Tesalonika. Mi man huil le muid Ama Lamtua Allah, kit Aman na, nol Yesus Kristus, kit Lamtuan na. Kaim nodan le Ama Lamtua Allah tulu Un dalen banan na bel mia, le halin nam mi nulim titu-tema nol dame.

Filemon 1:2

bel susi Apfia, man kaim nangan el kaim batan na; bel Arkipus, man daek hiti-late leo-leo nol kaim se in dake ni dalen; nol bel jemaat man taom nakbua le kohe-kanas se ku uma la ka.

Apan-kloma Hnika Balu 2:1

Hidi nam Atuling Baktetebes sa lok auk noan, “Yuhanis, ku musti dul surat mesa. Un isin na elia: ‘Taung jemaat se kota Efesus: Surat ni deng Au, Yesus. Auk man kil duun iut ne Auk imang kanan nia. Auk kon man laok pukiu le tinang hadut lil-mea nas mesa-mesa. Ta hii Auk in teka nia.

Apan-kloma Hnika Balu 21:3

Hidim auk ming fala mes muun puit maa deng del prenta la, le tek noan, “Ngat babanan! Ninin deng leol nia, Ama Lamtua Allah Uma la muik ne atuli li hlala. Deng leol neot nia, Ama Lamtua Allah nuli leo-leo nol Un atulin nas son. Ta Un daid oen Lamtuan, Allah. Nol oen kon daid Un anan son. Mam Un leo-leo nol oen tutungus. Nol Un kon nang soleng oen lo didiin son na.